طريقة تحضير أرز باللبن طرى محبب للأطفال

[شاهندا]

كل ام تسعى لتقديم أشهى وأفيد الأكلات لصغارها ونحنوا نسعى لتوفير كل ما هو صحى ومفيد لها فدائما منتدى شباب اليوم يسعى لتقديم كل ما يساعد ربة المنزل فى تقديم أشهى الأكلات لأسرتها
ارز باللبن اشهر تحليه فى مصر وكل الناس بتحبها وبتتفنن فيها

وصفة حلى و حلويات من مطبخ اسرة شهية، اليك طريقة عمل أرز باللبن طري بالخطوات الواضحة والمقادير الدقيقة. حضريها لـ٨ أشخاص وشاركينا تجربتك !

مقادير أرز باللبن طري


كوب ونصف ارز مصرى بمعيار كبايه الشاى
كيلو لبن سائل ولازم اللبن السائل
فانيلا
2 كوب ماء كبير بتاعه العصير
كوب ونصف سكر ابيض نفس معيار الارز


طريقة تحضير أرز باللبن طري


١. نجيب حله الأول مش كبيره علشان نسلق فيها الأرز ولازم ما نشطفش الارز بس يكون نوع معبأ ونظيف. نحط الأرز فى الحله ومعاه كوبايتين المايه على نار هادئه ونقلب فيه من وقت للتاتى لحد اما يستوى خالص.
٢. بعد كدا نحط عليه السكر بتاعنا ونقلبه ونسيبه على جنب بعد ما نطفى عليه.
٣. نجيب حله كبيره شويه ونحط فيها كيلو اللبن وتكون نار متوسطه ونسيبه لحد ما يبتدى يغلى بس اول ما يبتدى ما نخلهوش يغلى نحط الأرز اللى سلقناه ومعاه معيار السكر على اللبن بسرعه ونقلب.
٤. نفضل نقلب من وقت للتاتى على نار هادئه لحد اما اللبن بتاعى مع الأرز يتخن ويبقى قوامه تخين مناسب بس مش قوى.
٥. بعد كدا نحط سنه فانيلا بسيطه ونقلبها ونطفى النار وبعد كدا نغرفه فى أطباق التقديم ونسيبه يبرد خالص على المطبخ وبعد كدا ندخل الأرز باللبن الثلاجه.