ياشيخ ياناقد مساء الخير ماجور
شيخٍ فطين وبالفتاوي تفسّر
لاتنتقد شخصٍ له بويت مكسور
الشخص كله مع قصيده مكسّر
ماهو على وزن وتماثيل وبحور
على زمانٍ ضاع قام إتحسّر
ليته على ماهو مثل قبل مذكور
لكن تعرى يوم بان وتفسّر
ماحالفه حظه معَ الشعر مشهور
الشعر دربه مع ظهوره تعسّر
غياهبه ماتدفعه يمة النور
وبضاعته في كل معرض تخسّر
طيرٍ مثل غيره مع جملة طيور
ريشٍ تكسّر فيه ماينتوسّر
وان هد ماهو طير صارم وحاشور
طير الفلس لو كل ليله إينسّر
من شك في نفسه نسميّه معثور
واخير له يصمت صنم ويتيسّر
ترى الجمل لولا سنامه غدى ثور
والثور مايقرب ولا ينتجسّر
العرض الشجري