{ يوم اللقـــــــــــــاء }

[المحب العاشق]

[poem=font="Arabic Transparent,4,white,normal,italic" bkcolor="black" bkimage="backgrounds/22.gif" border="double,6,black" type=1 line=0 align=center use=ex num="0,black"]
{يوم اللقاء } المحب العاشق

دقت وقالت ترى يوم اللقاء صار = ضحكت وقلت اشوالي واشوالك
قالت دريت باللي شب بداخلي نار = يوما درت عن السالفة باتصالك
قلت المهم أن الغلا بداخلي حار = العالم لحاله وأنتي عندي لحالك
لو طفت أنا العالم ولفيت الأقطار = ما ألقى أنا مثلك بكل الممالك
يا زهر فاح عطره على كل الأزهار = لا تخذلين اللي دورك والتجا لك
ودي أنا أحجبك عن كل الأنظار = أبيك أنتي لي وحتى أنا لك
ولا الزيد يقول في بعض الأشعار = تقلط لي فناجيلك وتقصر عني دلالك
عمرك سمعت بالحب دلال وإبهار = لا تحسب إنه حب مهما بدالك
هذا كلام يقال للضيف والجار = ويقال للي إذا جاع جالك
الحب ما هو بس صورة وتذكار = الحب في سود الليالي الحوالك
إذا وقفت ولا رددت الأعذار = وساعدت خلك في دروب المهالك
لاصار بين الحياة والخل تختار = اختار خلك لو زمانك صفا لك
شوفي حياتي يا بعد كل من سار = في خاطري كلمه ولا قلتها لك
في يوم فقدت أنا كل الأنصار = وكل يقول اركد وش اللي جرا لك
لقيتك أنا والهم من داخلي طار = ووقفت يوم أنت مديتي لي حبالك
وقلتي لي تذكر أن الله رحيم وغفار = هو وحده العالم بحالي وحالك
من يومها عرفت بداخلك شي جبار = أقوى من العالم شديد المهالك
ومنها عرفت أن العزيمة والإصرار = تعوض اللي راح باللي بقالك
وحفظتي لي في داخلك كل الأسرار = وحملتي نفسك شي فوق احتمالك
وقفتي معي في وسط أخيار وأشرار = أنا صامد من أجلك أومن خلالك
حتى لو اكتب فيك عذبات الأشعار = ما أقدر أجازي خصلة من خصالك
يا لمخلصة يا لوافية يا نور هالدار = خوذيني ترى ما عندك إلا حلالك
والله لو وصفك يحكى بالأشعار = تمضي حياتي وأنا أدور بمجالك
والله بس أنتي اللي وحيده بالأخبار = كل ما يصير لي شي أحطه قبالك
حتى لو الماضي كان مليان بغبار = حزين لكن أعشقك رغم ذلك
صدقيني أحبك وما ني بمحتار = لو ينقضي عمري ما وفيتك أفعالك
يا لله يا للي وحدك النافع الضار = أنت الوحيد اللي كل الدعاء لك
خلقتنا يا رب مماليك وأحرار = تحرسها لي يا رب جل جلالك
وصلاة ربي على سيد الأبرار = على محمد الهادي اللي دعا لك[/poem]