لوكانت ام عبدالله جارتكم وش بيكون موقفك ؟؟؟

[راضـــي]

[align=center][grade="00008B FF6347 008000 4B0082"]مساء الخير
ام عبدالله

جدا حشريه
ومن كثر ماهي حشريه اصبح الجيران يتضايقون من اسلوبها في المعامله
فيوم تقوم بالاتصال في وقت القايله ووقت نومه الظهر عشان تسولف
وماتدري ان ابو العيال في البيت
دائما ماتقوم بأستلاف قدر ولا خلاط وللاسف اما يعود مكسور او لا يعود
لدرجه انها تقوم بطلب الملح والبهارات من الجيران
ومره قامت بارسال ورقه كتب فيها مقاضي
تطلب من احد الجارات ان تقضيها لها
لانها تعلم انهم يقضون كل جمعه
المشكله انها مالفت مع الورقه قروش
والظاهر انها تراقبهم
وغضبت الجاره اشد الغضب من جراءه ام عبدالله
لكن زوجها اخبرها انها مسكينه ربما زوجها لايلبي حاجاتهم
((المشكله ان زوج ام عبدالله عمله جيد ويتقاضى راتب ))
والافضع
ان ام عبدالله طلبت من احدى الجارات طقم ذهب
كانت ترتديه ولم تستطع الجاره الرفض لانها خجلت
والى يومكم الطقم مارجع
وطلبته كم مره وتقول انها سلفته لاختها واختها مسافره
تخيلوا
ان الامر وصل ان بزارينها يكتبون على جدار بيت احد الجارات
وان احد ابناها قام بفلق ابنت احدى الجارات فلقه وش كبرها
وكثير مايشتكون الجيران منها ومن اذيه اولادها
اذا خرج ابو الجيران لقاهم يقاموزون على سيارته
ويكتبون عليها باصابعهم
ويهاوشهم كل يوم ولكن لاحياه لمن تنادي
تخيلوا ان احدى الجارات خرجت لحوشهم لقد ولد ام عبدالله يلعب في سيكل ولدها والمشكله انه ناط من فوق الجدار
والاكبر من كذا ان عيالها دايم على الجدران جالسين يراقبون
ودائما ازعاج لدرجه ايام الدراسه عيالهم يلعبون في الحوش الساعه 12 في الليل
معاناه كبيره مع الجاره ام عبدالله
لدرجه ان الجيران قررو الاجتماع عندها ومصارحتها
والمفاجأه انها خذتهم بالصوت
وقامت تصيح وتتشكى وتقول ابو فلان يهاوش عيالي وانا مسيكينه
وانتم ماتعرفون ان النبي وصى على سابع جار انتم ظالميني انا وعيالي
الله يسامحكم وكلت امري الى الله
فخجل الجميع عندما شاهدوا دموع ام عبد الله
وانسحب الجميع تاركا الحال على ماهو عليه الى يومكم





((ام عبدالله لوكان عندكم جاره مثلها
وش موقفكم))

منقووووووووول[/grade][/align]