حــمــل الــمــســك . . .

[أبو نوره]

يا ناشدي عقب البطا كيف حالي . . حالي تسر اعداي وتكدر الغير

يا ناشدي مانيب داله وسالي . . أسير فالدنيا و لاكني أسير

والله لو تدري عن اللي جدرالي . . ماقلت سمعني غزل بالغنادير

ماعاد يطري فاتر الرمش بالي . . ماكن بالدنيا رموش ِ مفاتير

أسقتني الايام مر ِ وحالي . . وربتني الدنيا على الشر والخير

و الصدر لو هو مثل صدر الشمالي . . يضيق في قلب ِ همومه طوابير

مرات أحسه من جهنم بصالي . . ومرات أحسه قطعه من زمهرير

ومشيت في ربع ِ من الحلم خالي . . بالقدرهـ اللي حطمتها المقادير

حلم ِ على دربه غديت وغدالي . . هم ِ يكفر سابق الذنب تكفير

أفز لامني نسيت وطرالي . . فزة كريم ِ جوه ربعه مسايير

حلم ِ قديم و باقي مايزالي . . مثل الشهامه في وجوه المسافير

طويت عن بير الأماني حبالي . . طوي الخطايا لا طوته المعاذير

يبقى الأمل بالله عزيز الجلالي . . محيي الهشيم ورازق الحوت والطير

لولاهـ ما نورت سود الليالي . . ولا قلت في بكرهـ صباح التباشير

وألا أنا أقصى طموحي أمالي . . أصير حامل المسك يا نافخ الكير

ما ودي أقصر مع أنسان غالي . . أقل شئ أن راح يذكرني بالخير











( الشاعر : . . . . . . ؟ )