مشكور اخوي عالموضوع واهتمامك بالنادي ،،،
وهي كلها كلمتين وما راح أطول فيها بحكم اني العب مع نادي العلمين منذ درجة الناشئين من ست سنين إلى الآن ،،،
النادي ماراح يتطور خصوصا مع وجود رجال أعمال كثر بالخفجي والواحد منهم مو راضي يحط يده بجيبه ويطلع فلوس للنادي أو عالأقل يتبرع بطقم جديد للنادي ،،،
وشوفوا الدورات اذا صارت أربعين فريق وكل فريق راعيه رجل أعمال وكل فريق له طقم جديد أما النادي له اربع سنين بالطقم نفسه لدرجة الشباب والناشئين أما الدرجة الاولى ماقصروا قطوا وشرولهم طقم من الامارات ،،،
وثانيا الجمهور اللي يحضر يا من لاعبين النادي أو من أصدقاء لاعبي النادي ،،،
والله نلعب مباريات مع انديه برى الخفجي وامكانيتها اقل بكثير مننا ونفوز عليهم لكن جمهورهم تارس الملعب شيبان وصغار أما جمهورنا ...
وأكبر دليل على عدم الاهتمام بالنادي هو إن نادي العمين الأسبوع الماضي فاز بمباريتين وحده للدرجه الأولى بدوري ولي العهد على النور واخرجه والثانيه ضد النعيريه يومي الثلاثاء والأربعاء وهذا القسم الرياضي بالمنتدى ماطق لهم خبر ولا احد درى عنهم ،،،
أنا كنت أنزل مواضيع تقديم وتحليل لمباريات النادي دائما لجميع الدرجات لين طفشت ولا حياة لمن تنادي ،،،
والحين انا بالجبيل ادرس ولي فتره مادخلت المنتدى والحين دخلت وانا ببالي ان القسم الرياضي كاتب عن مباريات النادي ولكن نام ياحبيبي نام ،،،
هذا القسم اسمه الوسط الرياضي بالخفجي ولا كاتب شي عن النادي اجل وشو الوسط الرياضي اللي بالخفجي اهم من النادي ؟!؟ الأقواس ؟!؟ أو الدورات اللي تبدأ وتنتهي ولا احد درى عنها ؟!؟
وأنا آسف عالإطاله واعذرني من اللهجه الشديده لكن هذا من حر قلبي لأننا نلعب للنادي عشان نرفع اسم الخفجي برى بس اهل الخفجي داخل يحطموننا ،،،
والعتب كل العتب على مشرفي وادارة منتدى الرائديه على اهمال النادي ،،،
ودمتم ،،،
المواضيع المتشابهه
العرض الشجري