[align=center]
السلام عليكم ورحمة الله وبركاتة
الاخوه والاخوات القراء والاعضاء الكرام .........
نقدم لكم وبكل تواضع ((فلم الرائديه ....... الجزء الاول ))
واللي اتمنى ان يحوز على رضاكم واستحسانكم كما واتمنى منكم التعليق عليه بكل صراحة يعني النقد الهادف...........
ونترككم مع احداث الجزء الاول من الفلم :
في وقت ليس بالقريب كان هناك طفل صغير في ريعان شبابه الطفل وسيم وشبه مخفة وكان اسمه راضي وكان عندهم جار ماعنده الا طفلة وحدة ويعني ملقوفة شوي واسمهاالجوري وتكسوها لمحة جمال طاغي عليها لون الرمل (سموك سلفر)وكان الاطفال يلعبون مع بعض عادة الصغار اللي في ديرة صغيرة ما يتعدون
كبروا الصغار ..دخلو المدرسة البنات لحال والشباب لحال وبدت الدراسة وصار لكل واحد منهم ربع واصدقاء يتنفخ عليهم وخاصة الجوري اللي مسيطرة على الفصل مسوية عنتر الحريم كل هذا لانها تعرف راضي ولانه يتمرن حديد بالنادي وطالع له عضل ماتشوف عيونة من العضل اللي مالي وجهه .. المهم راضي تعرف على ربع وهم مدلول وبعيد الهقاوي وابو الزير والزعيم ومساعد والمجهول..
والجوري تعرفت على كم بنت وصايرين معطينها وجه زيادة مخلينها تتحكم فيهم وهن:ملسونه والريم وطفله المطر وكل وحدة من اسمها تعرفها.. راحت الايام وتغيرت المراحل الدراسية وكل واحد متعلق بالشلة اللي كونها في بدايته العلمية .. وبعد التخرج من الثانوية ومع الايام تطورت الديرة وكبرت وتغيرت البيوت القديمة وابعدوالجيران عن بعضهم وصار كل في ديرة بعيد عن الثاني ولا يشوفون بعض الا بالمناسبات ولو ان راضي يتهور احيانا ويزور الجورري .. في مرة من المرات وهم مع بعض راضي والجوري وقف راضي عند سوبر ماركت واشترى لنفسه عصير في نيته يختبر الجورري يشوف هي بتزعل اولا سالته الجوري معك فلوس؟ بعد ما رجع قال ايه. زعلت عليه وشالتها في نفسها ودها ان راضي يراضيها ويشتري لها هدية راضي كبرت في راسة ولا راضاها وراح لبيتهم ونزلها وراحت الجوري جلست عند الباب مستغربه من الحركة هذي هي صدق او استهبال ماتدري وراضي راح يدوج ولا دق ولا رجع لها اليوم الثاني وتركها اسبوع قفلت مع البنت كيف يروح ولا يراضيها وحلفت انها ماترجع له مهما يصير لحد ماتعذبه بصراحة البنت جميلة وراضي ودة يستهبل وما فكر ان الامور بتتعقد لهذا الحد المهم راضي يأس من الجوري .. انها بترجع بعد الحركة اللي سواها وتحسف لكن هو ماراح لها.. يبيها هي تسال عليه لكنها ماعطته وجه معزمه البنت على الشطفيشن ..
راحت الايام وكل واحد معاند مايرجع لخوية وفي مرة من المرات كان اخينا راضي جالس في مقهى انتر نت على الكورنيش الاوحدة كانها راعية بقر امريكية لبس ماادري كيف والقبعة ماخذة نص الباب والشعر طاير فوق تقول محطوط فيه تشراخيه(طرطعانه) و ملتف على القبوعة تقول شجر زينة(حق عيد الميلاد) اللي يمدد على اي شي قدامه ومعها كم وحدة مسوين فتوة ولابسين كاب على بالهم بودي قارد والا يوم التفت راضي ويدقق شوي الا والبنت يعرفها صارت بنت خاله وساكنة في ولاية كالفورنيا في البر وعلى فكره ..عندهم ابل واسمها ديما واللي معها عسل والعنزيه وتوهم جايين من البر
قام راضي وسلم عليهن وقلطهن على فنجال قهوة تركية وجلسوا يسولفون وسالته عن الجوري وش اخبارها قال والله مبطي عنهم سالته عن السبب وخبرها السالفة قالت خلاص انا باحاول ارجعكم لبعض وافق الرجال بعد ماكان رافض في البداية راحت ديما للجوري في بيتهم وماحصلتها اعطت اختها الصغيرة رقم الجوال ودقت عليها وقالت لها وينك قالت والله انا الحين جالسة على الكورنيش مع الربع قالت ابيك في موضوع راحت وقابلتها وجلسو يتكلمون وبعدين قالت لها ممكن شوي يالجوري على جنب قالت ابشري قالت هاه وش عندك عسى خير . قالت كل خير ان شاء الله كلمتها عن الموضوع قالت الجوري ماارجع له هذا بخيل وناكر للجميل والعشرة كيف اعيش معه وهو مايشوف الا نفسه انا ماارجع له الا ينفذ طلبي اتحداه قدام الناس كلهم وان فاز رجعت ....تمام والا لا ..ويباشر علينا قيمة العشا للحاضرين .قالت ديما خلاص تم _ انا موافقة بس يوافق راضي رجعت ديما للمقهى تدور الرجال الاهو طالع يتعشى مع الشلة وكانت مواعدة الجوري انها ترد عليها بالجوال دقت على راضي وكلمته وخبرته باللي صار معها قال خلاص انا جاهز للتحدي والرجال معزم الا يقهر البنت ويخسرها قدام الناس صارت الدعوة مهاوش بس اتحداها على ايش؟ قالت ادق عليها واخبرها انك وافقت واسألها عن التحدي من اي نوع ...!!
دقت عليها وخبرتها وقالت بس على ايش التحدي قالت انا اقولك........... !!
والى اللقاء في الجزء الثاني من احداث الفلم.........
لقطااااااااااااات من الجزء الثاني من فلم (المنتدى):
1ـماهو التحدي الذي ستفرضة الجوري على راضي .
2ـوما هي المشاكل اللتي وقع فيها عيال عم ديما .
كل هذا راح تشوفونه في الجزء الثاني انشاء الله
وشكرا لحسن المتابعه .
تقبلوا تحيات المخرج /
"" حكيم الحروف ""
[/align]
المواضيع المتشابهه
العرض الشجري