(((( روتــــــــين ))))

[جارف]

[align=center]قال لي ليش تقول مليت :

قلت : مليت

لأن

مافيه شي جديد

كل شي اسويه اليوم

يجي بكرا

وارجع اعيد

نفس اللي سويته امس

وكل ما غابت شمس


قلت بكرا احسن

وامني النفس

ويجي بكرا

وارجع اعيد

مليت

" " " " " " " " " "

اكبر مصيبة في الحياة

لما يكون مافيه هدف

كل شي نسويه

نسويه زي الناس

يعني ما هو على اساس

و بلا تفكير

او حتى نقاش

واذا جاء احد وغير شي

قلنا عاش فلان عاش

الله ع الاختراع

الله ع الاختراع

بس بعد فتره

يصبح اعتيادي

ونمله

ونرجع للضياع

وارجع واقول

مليت

" " " " " " " " " " "

صار كل همنا

نكسر الروتين

في البيت .. روتين

في العمل .. روتين

في الشارع .. روتين

حتى في سوالفنا روتين

ولو المسألة سنه او سنتين

بنصبر

لكن يصير العمر .. روتين

والله ما اقدر

مليت

" " " " " " " " " " " " "
تسألني ليش اقول مليت

يعني ما تشوف حالنا

وش صار فينا

كل ما جاء يوم جديد

واشرقت شمس

نقوم من المنام

عشان نعيد

كل اللي سويناه امس

ومن كثر ما نمل

نسولف في ايام

زمااااااااااااااااااااااااان

شفت وش كثر حنا نعيد

ولا فيه شي مفيد

بس ما عليه

ما عليه

عايشين

نتضايق ولا ندري ليه

صار كل شي ممل

حتى وسائل الترفيه


قال : خلاص لا تكمل مليت

قلت : شفت شلون[/align]