لووو يسمحون للبنات حضور المباريات

[امل حائر]

الحين لو يسمحون لكم ترززون وجيهك في مباريات الهلال والنصر وش بتسوون؟؟؟
انا باقول لكم اللي جا في بالي...

*** هلالية ونصراوية يتهاوشون..النصراوية تقول: تكفين من زينكم أنتم وبطولاتكم ولاعبينكم عشان تحطون راسكم براس العالمي؟؟؟؟
الهلالية: وع على لاعبينكم العبيد مالت عليهم...ما عندكم صاحي إلا صايب وبدا يخرب بعد...بعدين لو فيك خير ما لبستي عباية كتف

*** أم تهاوش بنتها المراهقة: وجع إن شاء الله تغطي...شوفي هذاك قاعد يناظرك...ترى والله لأعلم أبوك عليك
.....
*** وحدة عربجية تصايح: يا حارثي يالنذل...لا تكسّر سامي حسبي الله عليك بلا...

*** وحدة تبكي قلبها متقطع وأختها تقول: خلاص يا بنت الحلال ... قسم بالله التمياط إصابته بسيطة...شوفيه بيرجع للملعب مرة ثانية..

*** حرمة كبيرة: الله يهديه أبو عبدالله ما لقى يعزم إلا اليوم..خليت الجريش على الفرن والله يستر ما يحترق...

*** وحدة دلوعة: لو سمحتي معك كريم واقي من الشمس؟ ما لقيت كريمي

*** وحدة فاضية: ما شفتوا عدستي الرمادية؟ طاحت الله ياخذها...

*** وحدة ثانية فاضية: من يعرف طريقة محشي ورق العنب؟ عجزت أضبطه

*** وحدة تزعّق من الهجمة اللي ضاعت واللي وراها ناشبة بحلقها: "لو سمحتي..لو سمحتي..وش اسم عطرك؟"...طرااااخ صوت كف متعوب عليه



*** وحدة بريئة: يا حبي لك يا شلهوب ياصغيرور...



*** وحدة مسوّية نفسها فاهمة: آد ديموس ... طلّع النزهان ودخّل بداله تراوري (تراوري يلعب من البداية) وقدّم عمر الغامدي قدام...ونزّل أبو يعقوب الله يقلعك (أبو يعقوب اعتزل من زمان) ...

*** وحدة تسأل اللي جنبها: من أحلى عندك السلومي والا حسن العتيبي والا محمد الدعيع ؟ الثانية ردت : تركي العواد....




هذي بعض الهتافات والأحاديث الجانبية النسائية في الملعب كما تخيلتها!!!





على فكرررررة انا هلالية يا أحلى بنات