اهمال وضياع وماهي النتيجه

[azoozsweet]

السلام عليكم ورحمه الله وبركاته

عدت اليكم من جديد لاحمل ماساءه جديده في أثناء جلوسي في بلدية محافظة الخفجي في تمام الساعه 1.30 ظهرا بصراحه موقف محزن وموقف لو اني محل صاحب المعامله لاجلد الموظف محله لين يعرف ان الله حق دخل رجال كبير في العمر يعني نعطيه على 48 سنه لما وصل شباك القسم الفني كان فيه احد الموظفين يدعى ج . ع . ر قدم له الاوارق وقال له استريح انتظر الموظف احد الموظفين الاخرين يجي من براء يدلك انه قسم فاشل بقوه طيب دق انت ياللي موجود على احد الشباب ويجي يخلص الشغله لك ولا انت قوم وخلص الرجال حجه الوحيده اني ماعرف للشغله هذي ولا هي من اختصاصي قام الرجال بعد مضي ربع ساعه بالظبط ساله مجرد سوال فيه احد يجي ولا امشي ياخوي عندي شغل في مكان ثاني الا والصرخه اللي جايه تمشي مليون انا مكلف فيك انا ماني مسول عن الشغل هذا انا من وين اروح اجيب الموظفين انا وانا وانا وانا وانا الرجال ساكت قال انا اسف ياخوي عطني ارواقي وخلني امشي قام رمى الملف في وجهه بالله هذا يعقل ؟؟؟ بالذمه كذا جلس الرجال قلت له خير يالحبيب وش عندك قال ابي ورقه مدري ورقة شنو بالظبط توقيع ويمشي قلت طيب ليه سكت على الموظف لما نفخ عليك قال لو تكلمت عليه مايمشي لي المعامله حقتي قلت يمشيها غصب عن طرق خشمه بس والله باين عليه ابن حلال ودرويش مو راعي مشاكل يعني المواطن يجي من الباب معزز مكرم ينهان في القسم الفني بالتاخير اول شي وبقله الحياء اللي يشوفها من الموظفين بصراحه قسم فاشل مالقى من يمشيه على الصراط المستقيم انا اجي من الدمام عندي معاملات تتحول على بلدية الخفجي واعرف لي واحد يفر البلديه كلها من الدمام واتاخر لكن عادي اتاخر بس احد يفنخ علي واسكت مستحيل هذا والله شي يقهر ياخواني لكن الغلط مو من الموظف من رئيس القسم اللي مو داري وين ارضه من سماه همه السمعه والصيت في الدوائر الحكوميه الثانيه وقضاء حاجته الخاصه وبس لكن حسبي الله ونعم الوكيل