( أبيات من ذهب )
يسرني في ما يلي طرح هذه الأبيات التي تستحق الحفظ وارجوا أن أكون
قد وفقت في الاختيار أولا ً وعدم وجود أخطاء بها ثانيا ً
وتنال استحسانكم مع تحياتي
يا عبد هون كل مطرود ملحوق / لا تشتحن لك رب ماهو مخليك
للشاعر / بديوي الوقداني
أحد يطيح بنار واحد (ن) بجنـه / وترا الحظيظ اللي له الرب راضي
للشاعر / بصري الوضيحي
العشرة اللي ما توثق على ساس / تطيح لو صارت حصون طويلـه
الصاحب الغالي تحطه على الراس / واللـي يـودك لا تـدور بديلـه
للشاعر / عبد الله بن لويحان
ما في يد المخلوق نفع وضـرا / وما قدر الباري على العبد جاري
للشاعر الأمير / تركي بن عبد الله
أرواحنا بافلاك الأيـام تومـي / مهما يطول العمر فالآجل محتوم
للشاعر الأمير / محمد الأحمد السديري
وش خانة الدنيا سريع دورها / لو أقبلت سنينهـا مقفياتـي
للشاعر / سعدون العواجي
يطيب لك من صفوة الكيف فنجال / مع مرحبا والنفس يكمل سعدهـا
نجر ومحماس على النـار ودلال / رسلان سهم بالوفاء ما جحدهـا
للشاعر / محمد المسعودي
من لاخذا من درس الأسلاف نبراس / تمضي حياتـه بالرجـاء والتمنـي
للشاعر/ شرعان السويدي الشمري
محد ( ن) يحوش المرجله بالتهاويل / إلها مـع العالـم دروب ومجـاري
وما يدرك الطوله قليل المحاصيـل / ولا ينبنـي بيـت بـلا ســواري
للشعر / فهد العصيمي
اتمنى تروق لذائقتكم
لكم تحيتي
المواضيع المتشابهه
أبيات من ذهب
العرض الشجري