لا تلومني لا جيت كلي من اقصاي
مافيه غيرك لا تضايقت جيته
جيتك ولا غيرك ذكرته بمسراي
جيتك وكل انسان غيرك نسيته
جيتك وانا ماني بأنا تايه الراي
جيتك وانا مدري وش الي بغيته
جيتك وقلبي دقته تسبق خطآي
جيتك اقول مفارقــك ماقويته
ان مر يوم بالعمر منت وياي
اشتاق لك شوق المسافر لـ [ بيته !
مثل الهوا تحتاجه الناس والماي
يحتاج لك قلبٍ هواك وهويته
دامك معي ما قصرت يوم دنياي
دامي خذيتك وش بقى ماخذيته
جيت اعترف بالفرق يا اخر مناي
بينك وبين الي عشانك جفيته
اني ليا من جيت لك [ همك رضاي ]
واني ليا من جيت له مالقيته !!
لا تلومني لاجيت كلي من اقصاي
مافيه غيرك لا تضايقت جيته !!
المواضيع المتشابهه
||××ღღ ج َــَيتَـــ‘ـُكٍ ღღ ××|| !!
العرض الشجري