مـــائـــده رمـضـــــــانيـــه .... إعـــــداد فـتــــــــون

[الجوووري]

المسخنه باستخدام الخبز العربي :
هذه تشبه طريقه عمل السمبوسه بس الشكل هو الي مختلف ومثل باقي الوصفات موشرط تلتزمين بحشوة معينه
تقدرين تستخدمين اي حشوة تحبينها مو شرط الدجاج

المقادير :
- كيس خبز عربي الخفيف
- دجاج مسحب بدون عظم ( اغلى الدجاجه بالمويه وبعدها شيلي الجلد والعظم منها )
- رشه فلفل اسود
-نص ملعقه صغيره دارسين او قرفه
- مكعب ماجي
- ملح
- ملعقه بقدونس مفروم
-ملعقتين صلصه طماط
- ملعقه صغيره هيل ناعم
-ملح حسب الرغبه
- عصير ليمونه
- شرائح بصل

للحشو :
- بقدونس مفروم+شرائح بصل مخلوط معها شويه سماق ( او سماك)

الطريقه :

- شوحي شرائح البصل بالزيت وضيفي له الدجاج والبهارات والصلصه وعصير الليمون
واتركيه يطبخ على النار لمده عشر دقايق
- ضيفي ملعقه البقدونس للدجاج وحركي المقدار وارفعي القدر من على النار
- افتحي الخبزة من الاطراف بحيث يصير عندك خبزتين او طبقتين
- خلى السطح العلوي للخبزة هو السطح الناعم بحيث لما تلفين الخبزة يكون السطح الخارجي هو السطح الخشن واحشي كل طبقه بالدجاج وحطي معه شويه من الحشوه ولفي الخبزة على شكل رول
- قطعي الرول الى ثلاث قطع متساويه وبشكل مايل
- صفي القطع بصينيه مدهونه بالزيت وامسحي سطح كل قطعه بالزيت باستخدام الفرشاه واستمري لين تخلصين كل المقدار
- دخلي الصينيه الفرن ( لازم يكون حار ومولعه الشعله العلويه ) وخليكي منتبه عشان ما تتحمر القطع كثير
- وبعدها اقلبي كل قطعه على الوجه الثاني واتركيها تتحمر
- قدميها بطبق التقديم ورشي فوقها شويه بقدونس وبالعافيه يارب
وصفات باستخدام التوست


سويسرول الدجاج :

هذه الوصفه اخذتها من احد الاخوات جزاها الله الخير فعلاا اكله لذيذه وشكلها حلووو وغريب خاصه لو تفننتي بتزينهااا بقطع الطماط الصغيرة والبقدونس المفرروم

اولا نجهز حشوة الدجاج
المقادير:
دجاجه مسلوقه منزوع عنها الجلد والعظاام
بصلة+ فصين ثوم (مفرومين)
جزرة مبشورة - ذرة - فلفل اخضر مقطع لقطع صغيرة - ملعقتين بقدونس مفرووم - ملعقه كزبرة ناعمة - رشه فلفل اسود - عصير نص ليمونه - ملح او مكعب ونص ماجي

الطريقة:

نحمس البصل والثوم مع شوي زيت ثم نضيف الدجاج مع نص كوب ماء عشان يتفتت اللحم زيادة وبعدها نضيف باقي المقادير ونخفف على النار لين ينشف المااي .

الفطيرة:
المقادير
3 بيضات
علبة قشطة( التاج او نستلة او بوك...)
علبة وسط جبنة كرافت مبشورة
2 ملعقة صغيرة بيكنج بودر
3 حبات توست منزوعة الاطراف

الطريقه :
نضع في الخلاط الكهربائي:
البيض, القشطة, الجبنة,
بعد ماتمتزج نضيف التوست والبيكنج بودر
نصب الخليط في صينية مدهونةبالزبدة(كثري منها علشان ماتلصق)
ندخلها الفرن ونتركها حتى تستوي وتراها ماتاخذ وقت..نعرف نضجها اذا تماسكت ونشفت..وبعدين نحمرها من فوق..
نفرد قطعة قصدير اكبر من مقاس الصينية( على فكرة هذا المقدار يكفي صينية كبيرة بطول35 سم وعرض 20 )
ندخل الملاس من جوانب الصينية ونحاول نفصل الفطيرة عن الصينية علشان نضمن نزولها بدون تلف

نقلب الفطيرة على القصدير وندهنها بسرعة بملعقة كبيرة مايونيز ثم نفرد الحشوة فوقها بالتساوي
نلف الفطيرة بحشوتها بطريقة السويسرول ونحكم غلق الاطراف بالشد على القصدير ونرجعها للفرن الساخن بدون تشغيل علشان تتماسك من الحرارة
عند التقديم نقطعها حلقات وترص بطريقة جميلة في الصحن مع تزينها بقطع الطماط والبقدونس ورش شويه من جبن كرفت المبشوور او الزعتر


ملاحظه : تقدرين تستخدمين بدل حشوة الدجاااج جبن البقرات الثلاث مع البقدونس وقطع الطماط وبقدونس مفروم وتخلطيهم مع شويه زيت زيتووون

وبالعاااافيه انشااااء الله

صينيه سندويش الدجاج بالفرن :24: :

وهذه وصفه ثانيه اخذتهااا من اخت ثانيه ...وانشاء الله تعجبكم

المقادير :
خبز توست - حليب سائل - 2 بيض

الحشوة :
دجاج او لحم مفروم او مرتديلا وجبن الموزاريلا او اي حشوة ثانيه حسب الرغبه وترشين فوقها جبن كرافت مبشور عشان تتماسك
الطريقة :
-اخفقي البيضه مع الحليب السائل
- يصف خبز التوست في صينيه مدهونه بالزيت ( حتى الجوانب ) ثم يصب عليها البيض المخفوق مع الحليب حتى يتشرب
- حطي الحشوة ورشي عليهاا الجبن المبشور ..
- غطى الحشوة بطبقه خبز التوست وصبي عليها البيض والحليب السائل .
- استمري لين يخلص المقدار عندك ورشي على الوجه شويه جبن موزاريلا بعد ماتحطين البيض المخفوق مع الحليب السائل وبعدين دخلي الصينيه الفرن حتى تحمر ثم تقطع وتقدم وهي ساخنه وبالعاااااااافيه انشاااء الله

ملاحظه : لو كان مقدار البيض مع الحليب المخفوق غير كافي تقدرين تضاعفين المقدار .

:love