السلام عليكم ورحمة الله وبركاته
ان للوطن فضل كبير علينا ولن نوفيه حقه أبـــدا
ولقد أقيمت أمسيه شعريه ضد الأرهاب
((للحمله الوطنيه ضد الأرهاب))
ولقد شاركت بها مع زميلي الشاعر عبد الله الدواس
ولقد قلت بها هذه القصيده اللتى آمل ان تحوز على رضاااكم
وسوف نوافيكم بالقصائد المتبقيه تحياتي لكم
[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
بديت بأسم الله على كل ما نوش=الواحد المعبودفي رزقه أعتاش
وقلبي غدا كنه بلأنياب منهوش=نهش الظباع اللي لها الجوع نهاش
جيت ابا بين كل ما كان مخشوش=في داخل الصدر وتواسى على الجاش
يا معلق بخشم الشياطين دنبوش=يامثور الفتنه بتعقيد الأشواش
جيتو كما اللي نافش الراس معفوش=وياكن يلحقكم من البل خراش
والكل كنه رايس لزمرة دبوش=متزندخ فوق الكراسي والأكداش
وياللي بصدر أمك مركز لك أحشوش =رويت يالفسقان واليوم تهتاش
أعضاء مريضه مالها غير قاشوش=مثل الشعث بالظفر نهديه منقاش
واللي علينا ينكر وصار منفوش=إعرف ترى ذيب الجبل مابعد شاش
ان قام جاكم كا الصواريخ مدفوش=ويودع مجننكم كما سفلة الآش
نايف يجيكم ما يبي يرسل أطروش=ولانهد جاكم كنه السيل دفاش
أقسى على المسمار من ظرب شاكوش=ولا يعامل المسوي سوى كاش في كاش
رميا تطير بعجته ناروقفوش=وللحق يذعن كل طاغي وهواش
ولانتم سوى قطعهة مهابيل ودحوش=وسعوطكم جاكم من الذيب هتاش
سوسه ولالسوسه سوي سواك وبروش=نكنس به اللي مسهم جن خشاش
ارهابهم في داخل الدار مكروش=وما للخطاء في دارنا غير نماش
نبغى نحدرهم من جبال وعشوش=ونبغى نكنسهم كما أدقاق الأقشاش
واللي سلم راسه يبين به أفقوش =ومن ضربنا يدخل بدوامة أنعاش
حنا وراكم لين ما ياقف الهوش=وحتى ما يبقى منكم حي رفاش
واللي نبح من لندن يدور الدوش =عمرالسحابه ما بعده نبح ودواش
ما يتبعه ياكود خاين ومربوش =وألا ضعيف عقله بعقل الأدباش
ياللي تفصل ثوب الأرهاب مكفوش =تبغى تلبسنا ثيابك وتنحاش
ما نغير الزي السعودي بطربوش =ما عاش من غير لنا البشت ما عاش
حكامنا أهل النواميس و الخوش=ولا شفتهم بوجيههم ظحك وبشاش
حكام الأريا ما خذو الأمر من بوش=ولا جتهم العونه من ديار الأحباش
ما مثلهم في دارنا نقوة الغوش=وقلوبهم بيض كما لاهج الشاش
مداتهم مدات تجعلك مدهوش=إمحملين الناس مونات وقماش
هذا وحق الناس ما يضيع بالطوش=وبسجونهم صكو على كل غشاش
وصلاة ربي عد ما ينقش نقوش=على النبي واعداد صفات الارماش[/poem]
العرض الشجري