الحمدلله على سلامة ابوخالد وهالقصيده لعيونه
جعله مايشوف شر
سلامتك ياذرى الديره وحاميها
الحمدلله سلمت وزالت الشده
صحتك موبس حنا اللي نحاتيها
قلقت عليك الرياض واقلقت جده
ازمه وعدت عسى الله مايحيها
راح المرض جعلها روحه بلا رده
نفخر بعز البلاد وعز اهاليها
وكل ماكبرنا كبر في قلوبنا وده
من يقرب الدار وعيونه حواليها
يبشر بحد السيوف اللي يجي حده
خيره على الناس قاصيها ودانيها
الله يمد بسنينه طيب المده
عالي مقامه ومنزلته معليها
ويد الفخر عمرها مافارقت يده
ضاري للامجاد بأولها وتاليها
المجد ورثن لبوه ومورثه جده
خالد المريخي
المواضيع المتشابهه
قلقت عليكـ الرياض وأقلقت جدهـ
العرض الشجري