السلام عليكم ورحمة الله وبركاته
كيفكم \اعضاء \مشرفين\ زوار انشالله بخير جيناكم بعد الغيبه
بقصيده ونشالله تعجبكم
لا تشتكي حالك على كل من جاك
بعض البشر يفرح الى قلت مهموم
يخفي سمومه بين همك وشكـواك
يشمت بحالك والحصيله شقا ولوم
واحذر من اللي ينقل الهرج لعداك
يظهر لك الطيب وهو منه معـدوم
قلبه مريض ويخلط السم بـدواك
يعرض عليك الرأي والرأي مسموم
وابعد عن اللي يستغلك الى جـاك
تلقاه دايم بين الأخيار مذمـوم
احسب حسابك في كلامك ومعناك
وسط المجالس كل ماادليت بعلوم
خل سمعك اكثر من كلامك وفتواك
تلقى القدر يمك من الناس ملـزوم
ولا تذكر افعالك بما تجود يمنـاك
عنك الولي يدري ولك الخيرمقسوم
وخلك مع اللي يشتكي لك وينخاك
بك ينتخي من ضيم الأيام وهموم
خذها وصايا تسعـدك دوم دنيـاك
واحفظ معانيها تحفظك من اللـوم
المواضيع المتشابهه
العرض الشجري