خط القلم

[كورن فلكس]

خط القلم من موق عيني قصيدي ..

أبكي تباريح الليالي والأيام ..

حان الوداع وعبرتي ما تفيدي ..

لو يدري العاقل عن السوق ماله ..

القلب صار من الوله له وقيدي ..

والجن من كثر الهواجيس ماله ..

دنيا العجايب تاليتها تميدي ..

كم كثرت صفو الليالي بلانا ..

هذا وأنا بهدي لمشعل نشيدي ..

من خاطري كن له حب وإكرام ..

ما ألفاك يا مشعل سلام مزيدي ..

قدرك ترى عالي على الرأس والهام ..

أمضيت أنا وياك عام ٍ سعيدي ..

منقوش في قلبي عدا كل الأعوام ..

يالله عسى ذيك المواقف تعيدي ..

تسقي بذور الود عام ٍ بعد عام ..

ما شفت منك إلا البساطة تزيدي ..

والكلمة الحسنى وتقدير وإحسان ..

والذكر والفطنه والرأي ٍ سديدي ..

وللبر والإحسان والخير مقدام ..

مريت بيتٍ عقب علم ٍ وكيدي ..

مدري أصدق أو أقول إني بهلان ..

ساعات تسري روحتي في وريدي ..

وأحيان تلجمني الهواجيس ملجان ..

الرزق مكتوب ولا به محيدي ..

مكتوب في لوح المقادير بأحكام ..

هذا وأنا بوصيك وأنصح وأزيدي ..

محبة في الله في ظل الإسلام ..

إن صرت في جوف الليالي وحيدي ..

ردد كلام الله تنقذك الأوهام ..

والوصل واصلني ولو إنك بعيدي ..

أنت الرفيق من القرابة والأرحام ..

وجدي على بعدك حل الحديدي ..

وقعه شديد ويرمي القلب بسهام ..

ودعتك الله يالرفيق الفقيدي ..

تبقى لك الذكرى على البال مرسال ..