البارحه في لذيذ النوم لاقيته
حلوم جابت لطيف الروح خداعه
فزيت ارحب ودمع العين هليته
رميت نفسي وجا راسي على ذراعه
ضميت خلي وبرمش العين غطيته
والروح من شدة الهجران ملتاعه
وقعدت اضمه وفوق الصدر لميته
واثرني اضم الوساده صار لي ساعه
احسب وليفي يناديني ولبيته
سمعت صوته وقلت السمع والطاعه
يشكي وانا اشكي وابكاني وبكيته
وانا احسبه علم قضينا ربع ساعه
كذاب يالحلم ان ماكان فكيته
افك سارق فؤادي من ورا اضلاعه
اذا مسكته وصافحته وهديته
القلب عنده ولا اطالبه بارجاعه
وليته تركني وخلاني وخليته
لكن خذا قلب من مخلوق ماباعه
المواضيع المتشابهه
اضم الوساده صار لي ساعه
العرض الشجري