الغلا قصة عجيبة تبتدي بضحكة عيون
قصه فارسها مشاعر نابضة بأغلى غرام
نصها كلمة [ أحبك ] يا حبيبي للجنون
تنطلق من قلب عامر بالمحبة والسلام
هذي هي قصة غرامي يوم جيتك ياحنون
مابقي شي بكياني غير حبك بإحتدام
جيت لك تضحك شفاهي بإبتسامات الجفون
جيت لك والقلب غارق في عبارات الكلام
ما تصنعت المشاعر لأجل أبرهن من أكون !
كان همي إني آصل ساحلك يا [ أغلى حبيب ]
[ أبتسم ] ساعة أشوفك وأنسى أيام [ الشجون ]
وأتخذ لأجلك [ مساحة ] في مواعيد الزحام
لاتلاقينا وشفتك قاسي الغربة يهون
والفرح يسري بدمي ويخترق صلب العظام
وإن تفارقنا دقيقه [ مالت ] أوراق الغصون
والدقيقة في عيوني شفتها [ ألفين ] عام
الغياب ياهو غيابك صب لي [ كاس المنون ]
أشربه [ ظلم وتجني ] وأرتوي به بإنصدام
الغلا ماهو حكايه تعتبر ضمن الفنون
الغلا عشته [ بقلبك ياقمر ] وسط الظلام
لو درا بصادق غرامي الغدر حرم يخون
ولو يعيشه كل مذنب [ إلتزم بعد الحرام ]
والبلابل لو تحسه زادت أنغام اللحون
وبه تغنت وإهتفت به وغارت أسراب الحمام
والبحر لو قاس حبي صارت [ أمواجه سكون ]
وقال أنا قطرة وجف وأبهر أحلام الأنام
[ حتى قيس ] اللي تصدر قائمة أهل الجنون
واللي أهل العشق أخذوا من [ أساطيره وسام ]
ماوصل عشقه بليلى مرحلة ضم الحضون
ولاتحدى في غلاها لذة أنفاس المنام
وعنتر وعبلة غلاهم [ باهت ماله ] أي لون
بعد ما [ شخصت قلبي ] حبهم فيه [ إنفصام ]
كل حب [ غير حبي ] مثل همال المزون
يستمر وقت السحاب وينتهي بعد الغمام
وكل شعر غير شعري [ مايفي باللي يبون ]
تكتب [ حروفه أحبك ] ونيته بالإنتقام
[ آتحدى وأتحدى وأتحدى ] من يكون
إن قلب[ غير قلبي ] حبه صادق بالتمام
وإن كلامي ما عجبهم يفعلون مايبون !!
يمكن لاشافوا [ ولآي ] عندهم ينشأ [ إهتمام ]
الغلا قصة وصارت بيني وبينك [ جنون ]
حكتها بشعور قلبي قبل ما يبدا الكلام
الغلا واقع أعيشه معك ما [ يرضى الظنون ] !!
واقع أجمل من خيال واقع نبراس الوئام
بطلبك قبل أنتهي كانك لإحساسي تصون
إن لحظات التواصل [ نغتنمها إغتنام ]
ما نبي الأيام تمشي والمشاعر يلهثون!!
و الخطاوي الهاوية في[ سراديب الخصام ]
و الأمانة في النهاية يا حكي حب العيون
لا فهمت [ حروف شعري ] ضمها بعد الختام ...
المواضيع المتشابهه
حتى قيس اللي تصدر .. قائمة اهل الجنون
العرض الشجري