العبره اللي لهـا يوميـن تخنقنـي‎

الخفجاوى (2010) · 03-07-2010, 04:00 AM

العبره اللي لهـا يوميـن تخنقنـي
خذيت منها على مر الزمـن عبـره

افرح ليا بان واحزن لاسـلا عنـي
إلين ماصرت في دور الهوى خبره

تامرني انساك بنسى ويش يمنعنـي!
لكن ليااجيت في بالي وش الدبـره؟

خذيتنـي سالـي ودالـه ومتهنـي
ورميتني شاعر(ن) ساهر على حبره

الله حسيبك على الضيقـه معودنـي
ياكاسر الخاطر اللي شوفتك جبـره

تطلب وانفذ وابي قربك وتجهلنـي
كني طلبتك تحفـر البيـر بالأبـره!

تقول : يامكرم القيفـاان تخدعنـي
واقول : بعدك كفنه وغيرتـه قبـره

طيفك على صدك وبعدك مصبرنـي
لو كان طيفك يشيل القلب من صبره

امهلتني للزمـن والوقـت مهملنـي
ياحر كبدي على حاجـات منثبـره

واللي سرق بالي وحيره واشغلنـي
طاريك لامـر وش دخلـه بالنبـره

موج الغلا يم سيف الشوق يدفعنـي
ياقرد حظي معى شفـي وياغبـره

اليا طلبته يقـول اسـف وفارقنـي
اللي معى مايعـل النفـس يااكبـره

ولاانت ياحزبة الضامـي معذبنـي
متى نصادف طريق(ن) نلتقي عبره؟

ابتصل فيك لااا ! ماانيب متعنـي !
اخاف لاقلت ( ألوو ) تخنقني العبره

وتقبلوا تحياتى الخفجاوى2010

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
؛ الـــــدوخـــــي vs الـمــوســـيــقــار ؛ يـا لهـا مـن مـبـاراة نـااار ...!!!!	فقدته	:: منتدى المواضيع المكررة::	10	29-03-2011 01:55 PM
الهـريـفـي والـثـنيـان يـا لهـا مـن عــودة ...!!!!!!!	فقدته	:: الأخبار الرياضية والمواضيع المنقولة::	3	22-03-2011 01:45 PM
فوائد الغتره	فتافيت سكر	:: منتدى الضحك والابتسامة والفرفشة::	8	16-06-2009 01:09 PM
خذو العبره يا مسؤولي الشركه	يتيم الامه	:: الحوار والنقاش الجاد ::	15	07-07-2008 07:10 PM
تبغى تعرف من وين جات (الغتره) اللي فوق راسك؟؟	نوني الامير	:: المنتدى العام ::	19	22-02-2008 07:56 PM