|عآدآتنآ وتقآليدنآ .. بين الصّوآب والخطأ| ~

[ححرف!]

[ALIGN=CENTER][TABLE1="width:95%;background-color:silver;"][CELL="filter:;"][ALIGN=center]
[ALIGN=CENTER][TABLE1="width:95%;background-color:gray;"][CELL="filter:;"][ALIGN=center]










السّلآم عليكم ورحمة الله وبركآته ~



بصرآحه يآ هالموضوع ببآلي و
يمكن هالموضوع رآح يزعج البعض
أو يرضي البعض

ولكن هي وجهة نظر
بحيآتنآ العآديه ومن انخلقنآ
واحنآ نسمع العآدآت والتقآليد تسمح .. ومآ تسمح
او .. هذي عآدآتنآ وتقآليدنآ مآ يصير نغيرهآ
ولكن
هنآك عآدآت يآ الوقت اللي نقوله انهآ غلط
أو مآ تصير
عآدآت عآث عليهآ الزمن
عآدآت لآ تمت للدين بـ صلة
تكونت وصآرت
بحيآة أجدآدنآ
يمكن يت على حسب أهوآؤهم
أو مروا بموقف و
قآلوا عآدأت وتقآليد
مآ نعرف شنو أسبآبهم
ولكن
مآ ننكر انه في عآدآت صآرت تؤذي أكثر
مآ تنفع

*،

مثلا من هالعآدآت ..

[ البنت لولد عمهآ ]

انزين لو نقول ولد عمهآ مآ يبيهآ
تعيش على حلم انهآ تتزوجه وهي مآ تدري انه مآ يبيها
وبس يتزوجون وتكتشف.. يعيشون بتعآسه
لآ هو قآدر يتقبلها يمكن لانه انجبر عليها
ولا هي قآدره تكتسب حبه .. بهالحآله
منو المتضرر هني .. الأهل ؟؟ لآ محد متضرر الا هالاثنين
وكله علشآن هذي العآدات والتقآليد

*،

[ االنظره الشرعيه ]

بعض العآدآت مآ تسمح بالنظره الشرعيه
ورسولنا الكريم قآل
[ "انظر إليها فإنه أحرى أن يؤدم بينكما]
يمكن من هالنظره يصير القبول بينهم
ولا يقول مثلا بعدين
مآبيهآ او تقول مابيه
خل يتكلم ويفتح حلقه انه يبي يشوفهآ
جآن مآ اييه الكف اللي يعدل ويهه
ويتمنى انه مات و لا قال هالكلمه
ويقول بباله المرة الثآنيه انطم واسكت ولا اطلب هالطلب
اليوم كف باجر مادري شنو اييني
نختصر علينا هالكلام كله
ونمشي على كلآم رسولنا
وسنته مآ فيهآ شي
الزوآج قبول قبل كل شي


*،


[ زواج الاخت الكبيره قبل الصغيره ]

الزواج نصيب ..
وكل انسآن وله نصيبه ..
ليش امنع نصيب الصغيره
علشآن بس اختها الكبيره مآ يآهآ نصيبهآ ؟؟
انزين يمكن اللي يآيهآ انسآن محترم واخلاق ويعرف ربه
و مآ ينعآب
فـ ليش نوقف بطريقهآ
ويمكن لو تزوجت الصغيره
ايي نصيب الكبيره
الله سبحآنه وتعالى مآ حدد
انه الكبيره قبل او الصغيره بعد
كله قسمة ونصيب
لهآ نصيب انها تتزوج لو
تمر سنين رآح تتزوج
ولو مآلها نصيب
مآ في قوة تزوجهآ
الا لو الله أرآد
هني يظلمون الصغيره على حسآب الكبيره
ومآ في اخت تكره انه اختها تتزوج وتعيش حيآه سعيده
قبلها بعدهآ المهم انهآ تكون مرتآحه


*،


[ الاسرآف والتبذير بحجة الكرم ]

من تصير منآسبه والا وآحد يزور احد
لآزم الذبآيح
ولازم هالاسرآف كله
كرم كرم ..
عمره الكرم مآ كآن بهالطريقه
مآ أقول بخل لا والله
ولا نحآسه
ولكن الاعتدال حلوو
و الاسرآف مآ ايي من ورآه شي
يعني علشآن يقولون الناس فلآن سوا وفلآن يآب وفلآن مآ خلآ شي
كل وآحد واستطآعته صح ولكن ـ بحدود ..
والله يوم أشوف بالنت صورلأكل وذبآيح مرميه
ويقآرنون بينهآ وبين المجآعه بأفريقيآ والله يعورني قلبي
نآس مو لآقيه وتتمنى اللقمه
ونآس الله معطيهآ ومبذره ومسرفة لأبعد حدود وبدون
وعي ..
وكل هذا يقول لك كرم شنو مآ نكرم الضيف
اكرموه بس مو لدرجة البذخ
والاسرآف بمآ لآ يرضي الله ..

*،


هي تبقى عآدآت لم يتم ذكرهآ لا في القرآن ولا في السنه
يعني تحتمل التغيير والتبديل بمآ ينآسب
وبشرط انهآ تكون صح
وتغييرهآ للأحسن
ومن جآنب ثآني مآ أنكر انه في عآدآت حلوة واتينن
ووجودهآ بحيآتنآ من الضرورآت
والحمدلله للحين متمسكين فيهآ

تبقى وجهة نظر .. توآفقونهآ او تعآرضونهآ
وأتقبل الرأي بنوعيه
والاختلآف بالرأي لآ يفسد للود قضية ..
[والسّموحه جآن الموضوع أزعج البعض ]

[] ~


[/ALIGN][/CELL][/TABLE1][/ALIGN]
[/ALIGN][/CELL][/TABLE1][/ALIGN]