عطوني رايكم بالموضوع ذا

[مملوح الخفجي]

[align=center][/align]السلام عليكم ورحمة الله وبركاته
بسم الله الرحمن الرحيم

مساء / صباح الخير

ماهو رأيكم بـ أهمال المستشفيات بالخفجي ؟؟

خاصه المستشفى الحكومه

في اهمال كثير مستشفى الحكومه فيه نقص بالتمريض

يعني قبل فتره صارت معي انا بنفسي جيت الطواري مالقيت الاممرض واحد

طحت على السرير والله ياناس ساعه كامله ماجاني الا بعد ساعه والله يشهد على كلامي

يمديني مت وذا ماجاني طبعاا مابي اذكر اسماء بس بعد ساعه جاني وحط بيدي مغذي وراح

وانا تعبان لاخر حد مقدر اشيل نفسي ماقمت الاخر الليل جوني اعيال عمي واخذوني

ولا سوو لي فحوصات ولاهم يحزنون حط مغذي وراح يوم فك المغذي قال اعذرني مافي الا انا

طيب وين التمريض يعني باقي الممرضين فاركين من الشغل ولا فيه نقص

طيب افرضوا جتهم حاله طارئه وين الممريض وين الدكاتره يموت الرجال ولااحد حوله مافي الا
الدكتور الليبي ذاك وواحد ثاني يتناوبون

هاذي المشكله الاولى صايره معي اكثر من مره ما اخذت كلام من ناس غير الشكوى الي تقولها الناس كثير


طيب الموضوع الثاني الي بسألكم عنه الهلال الاحمر بالخفجي الاسعافات

دايم فيه تأخير ومافيه الا اسعاف وحده تروح لمكان الحادث طيب قبل فتره شي شايفه قدام عيني

حادث الاصابات ثلاث اشخاص والاسعاف وحده راحت شالت واحد وباقي اثنين صرقعتهم ساعه

يعني الباقين يتعذبون لين تجي الاسعاف مفروض فيه اكثر من اسعاف تشيلهم كلهم

عاد الحادث ذاك الاصابات الله يرحمهم اثنين توفو وواحد توفى دماغياا الله يرحم المسلمين اجمعين

انا بنفسي صار لي حادث والله العضيم شالني واحد وداني للمستشفى الاسعاف ماوصلت الا بعد ماوصلت المستشفى بعشر او ربع ساعه وقالوا لي اعيال موجودين انا وصلت المستشفى ذي ماجت الا بعدي بعشر او ربع ساعه

طيب لو حالتي خطيرة لاسمح الله وماحولي احد مين يشيلني ؟!

الحمدلله ذاك اليوم الله ستر وجيت سليم

حتى يوم وصلت الطواري بعد نفس الطريقه دكتور بارده اعصابه ولاسوو اشعه ولا فحوصات لين طلبنا منهم حنا انهم يسوون اشعه وفحوصات

يعني ابي رايكم بالموضوع ذا ماينسكت عنه !!











سبحان الله وبحمده سبحان الله العضيم