طوارى الخفجي بلاتكييف

[منصور الشمري]

[align=center]
بسم الله الرحمن الرحيم

اخوي يسلم لي راسك على الموضوع

اولا : مكيفات مافيه بالطواري لها اكثر من شهر ونص وهي خربانه

ثانيا: باب الطواري خربان من له 3 شهور والله يعين الموظفين اولا وثانيا المرجعين على الاجواء الحلوه والامطار اللي تصب علينا من لها شهرين واكثر (( الرطووبه))

ثالثا: المصعد خربان له شهر يعني اذا رجع المدير من اجازته راح يصلحه بايده


رابعا: اذا عندك واسطه بالطواري يسويلك غيار واذا ماعندك واسطه رح للمستوصف جب لك ورقه للطواري وتعال

خامسا: وفحص السكر لازم تتعرف على احد الممرضين على شان يعطيك شريط للفحص وفي حل ثاني وهو انتظار ساعه ونص الساعه على الفحص اختر من الاجابتين

سادسا : الله يعين الممرضين والكادر الطبي الاجنبي المقيمين بالمستشفى على وفرة المياه بغزاره هائله
(( يعني مافيه ماء للغسيل من اربع ايام ))

سابعا : المختبر وماادراك ماالمختبر امس جيت وخذو مني عينة دم وبالاخير طلع الجهاز خربان


تصدقون ياشباب على كثر جياتي للمستشفى ومشاكلي الله لايبلاكم ماعمري شفت مدير مناوب بالمستشفى الا واحد بس له لحيه

وياكثر المشاكل بالمستشفى من مواعيد ومن الكادر الطبي وبتاخره (( والنفسيه الخايسه كانك جالس تطر منهم فلوس))

ماقول الا الله يعينا ياهل الخفجي من المستشفى فيه الزين بس انا احب اذكر الشين على شان يصلحون الاخطاء اللي عنهم ويتفادونها

تقبلو تحياتي



[/align]