بسم الله الرحمن الرحيم
فـــي الحقيقه حصل لي موقف مع فتاة وإنظلمت في موقفها معي ومع العلم ان والدها جاء الي بيتنا وصارت مشاكل بس ربك ستر ولطف .
المهم الذي اتى بالموضوع هذا او القصه التي ابي اقولها لكم هو انه يوم جانا ابو البنت عند الشايب وانتو تعرفون ابهاتنا مهما كان مايرضون على عيالهم شي وبنفس الوقت مايرضون لهم الغلط.
فا كان والدي ينبهني عشان ما أكون مره ثانيه في موقف مثل هالموقف وكان في بداية الموقف يقول لي صااير الوضيحي انت يوم تقول هي الي غازلتني
وبعدين تفهم الموضوع ومع ذالك نبهني تخبرون حرص الوالد
المهم في ذالك شغل تفكيري كلمة الوضيحي واشتريت احد الكتب ولقيت القصه التي تخص الوضيحي وهي من ضمن قصصه الرائعه وتقول:
ان الوضيحي شاعر معروف ذو جمال ووسامه ويفتنن به الجميلات وكانت مغامراته كثيره ومن بعض مغامراته يفضحها شعره.
فالمعروف ان الوضيحي اذا سمع عن امرأه جميله ابتكر الحيل والاساليب الماكره ليقف بنفسه على صحة ماذكر له.
وهكذا يمر في احداث غريبه احيانا وطريفه.
قال الوضيحي ماجرى له في احدى مغامراته الليليه الماضيه:
البارحه يـــوم اول الليل بمــزاح سريت للي كالــولـــــو عذابــــه
قالت تنزح لا ارهج الجو بصياح ماني من الي بالردى ينهقى به
قمت اتبطح له واديـــره بمـــزاح لاذ من الحبيب وقام يضحك بنابه
ودخلت يدي بالثوب الاحمر زين الارياح وقعدت لين بين الصبح سرابه
وقالت:تنزح يا ولد فج الاصباح مار الله ... الله سدنا والخرابه
قلت: آمني يا عين خشف الي ضاح ماني من بالردى ينهقى به
ماني ولد تذل على السد بياح اللي ليا قفى عشيره حكى به
ولم ينتبه الوضيحي الى الذين جالسن ومن ضمنهماخ الفتاة وقد دخله الشك واخذ ينظر الى الوضيحي بشك وريبه لان اخته الوحيده التي تلبس الثوب الاحمر وانتو تعرفون ايام اول .
المهم يوم انتبه الوضيحي كمل القصيده بالبيتين:
علي بهم بالصيف يوم الحا طاح واليوم مدري وين ربي دوايه
مدري مع اللي سند يم الاسيـاح والامع اللي حدروا يم طايه
فنجا الوضيحي من شر اخو الفتاةووضع ان القصيده حصلت في العام الماضي في الصيف.
كما انا نجيت من والد الفتاة الي جانا بالبيت الله لا يجيب ذاك اليوم
مع العلم انني كنت مظلوم واما الوضيحي فكان ظالم .. اقصد عااااشق.
على العموم اتمنى ان تنال اعجابكم هذه القصيده......
ولكم اجمل تحياتــــــــــــــــــــــي ،،،،
الوايلـــــــــــــــــــــــي ،،،
المواضيع المتشابهه
العرض الشجري