إلى بحر

[عساف التومي]

[align=center]

.
الى صديق المُتعبين...وصديقي
رساله الى (بحر) ... واغاني (يم)
.
.
[align=center]اما قبل[/align].
.

[poem=font=",5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] تلاطم..والضلوع تضيق.. والجلباب=سوادٍ ..مايقده صبح غيابي
تضييييق.. وانت لامغلق ولالك باب=ترامى للنظر.. يامكذِب اهدابي
تزوووم.. وكن موجك فاقد الغياب=تحاذف جثتي .. كنك تسلابي .[/poem]
.
.

[poem=font=",5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""] الليل.. دربٍ ممتلي بالكآبه=والصبح.. ليلٍ غسلته الهماليل
والصدر.. دارٍ ماأهتنت بالرحابه=والعين غيمه.. والفيافي مناديل
والجو هذا.. يذبح اللي سرابه=هواه ضِيق .. ونسنساته تهاويل
لاوين اوجه.. والدروب اتشابه=والحزن خطوه.. وانت خابر وش الميل
لاي الدروب.. اللي دعاني سرابه=عطشان ناس.. ووسع صدر.. وتعاليل
قوست ضلعي.. ياسبيب الربابه=وجريييت بك من بعض حزني.. مواويل
غنيت.. للي ماسريت بعُبابه=الا مثل من يزبن النار.. لاسِيل
يااااذا الزراااق.. الممتلي بالغرابه=بك دبك خيل.. ولاطت بيدك الخيل
كم فيك من لابه... ولاهي بـ لابه=صدرك نهار... وعاث في بطنك الليل
حزيييين .. لوكنت اتزاما مهابه=احس لك قصة عذاب... وبهاذيل
شف لطم موجك.. كيف يابحر شابه=لطم الثكالى.. بانكسار المشاكيل
كم من عشيقٍ.. جاك يشكي عذابه=جاك الثقيييل .. وراح خف وتساهيل
وكم شاعرٍ .. غنى لشاطيك مابه=دامك بحر.. رتبت موجك تفاعيل
كن المسى.. يرخي سموعه ..صبابه=لاوصف الشاعر نجومه.. خلاخيل
وكن القمر.. خم الثريا .. وجابه=قال اسمعي همس العشاشيق.. لسهيل
تجمعوبك.. وانت .. ياذا الحبابه=صدرٍ.. لعشاق الشكاوي .. مداهيل
مع كل هذا ...(والسؤال الاجابه)=لييييه غدروك.. بوصف غدر الرجاجيل
ماهي غريبه..! وانت حتى السحابه=من ضلع صدرك.. ونسبو له عطى السيل
ياصاااااحبي... كم صاحبٍ صك بابه=دوني... وانا دونه .. نذرت المواصيل
زاااام بغيابه... ولا انا... ياغياااابه= رجلٍ.. على هدي المقفين ... ضليل
خله على الله .. والخوافي تشابه=بيني.. وبينك ياأزرق الموج.. والليل[/poem]

.
اما بعد

[poem=font=",5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""] ياظهر السفينه... والسواري تميل عذوق=طيوفٍ ... ثمرها ماتهيا لمشتاقه
تماايل.. وامد بعيني الكف.. للزملوق=وارد النظر... وبكفي الجوع ..والفاقه[/poem]
[/align]