كلا يقول سلبياته

[أبووصال]

يادانه الواحد لما ياخذ وحده وهو يعرف انها مدرسه يعرف عندها اوقات فراغ مثلا .... زميل لي زوجته مدرسه يقول ....تروح الصباح للمدرسه وترجع الظهر نتغدى سواء وتنام لها ساعه بس يعني الساعه 3تلقاها مثل الجنيه .... يقول نطلع نخلص اشغالنا ونسير ونتمشى الى الساعه 10 او11 نرجع تحضر لها ساعه وتنام ومعاها خميس وجمعه فاضين المشكله مو بالوقت المشكله بصاحب الوقت انت بامكانك تخلي وقتك فل بينما غيرك يخليه عادي ولامشكله عنده حتى لو كان موظف بوظيفتين لكن طريقتك بالتعامل.... هي الاساس والانسان مو من يتزوج وشافها ماعطته شي طلقها الرجال هذا جلس معاها 5سنوات متزوجين بس في النهايه تدخل الاهل هو من اسهم عليهم بالفشل وخصوصا انه قالي انها كانت ماتبي تنزل قدرها عند اهلها يعني مستواها عند اهلها ينزل لو قالت لا ابي زوجي .... يعني فيه حريم اذا تطلقو تبدا تصرف في بيت اهلها ويصيرلها كيان لدرجة حتى الاهل مايستغنو عنها في مصروفات البيت لدرجة انهم اذا قالو يالله نبي نروح للكويت قالت هي لانروح للدمام قالو اوكي للدمام كذا صار لها كرزمه معينه عند اهلها فبديهي ماراح تنزل قدرها وخاصة ان الاهل فيهم جشاعه ايضا ..... تصدقين جاء ابوها قدامي مره وقاله اسمع انا صرفت على بنتي سنين جاء الوقت اللي تصرف هي علي فيه مع اني اعرف ان العايله اولاده كلهم موظفين .....بالله وش ترتجين من عايله كذا ......اقول الله يستر على ولاايانا .......... دانه ياست هانم مانمتي الله يصلحك خوذي لك غطه ونكمل بالليل ...اوك



ابووصال