العلاقه صايرن فيها فتور= وضعها ماهو على ماهو يرام
وضعها صامت مثل صمت القبور = ولونها موحش مثل لـون الظـلام
هو جفاء ياصاحبي والا غـرور = طالت المدة وانا اشواقـي حيـام
تعبت اشواقي على قلبـك تـدور = وانت ماحسستهـا بـأي اهتمـام
كل ماابحث في مراسيل الشعـور = يطلـع التقريـر قيـد الأستـلام
ليه ماتفتـح لهـا منفـذ عبـور = هو كذا تستقبل اضيـوف الغـرام
ماعلى حبي ولا حبـك قصـور = لكن انت اوحيـت نقـال الكـلام
ورحت للفرقا ومديـت الجسـور = وفي نفود الهجـر بنِِّيـت الخيـام
وصارت الدعوى مثل سيلك حدور = وطارت اشواقك مع اسراب الحمام
ماالتفـت لخافقـن دمـه يـفـور = والمشاعـر جالهـا فيـه احتـدام
كاتمن آهاتـه بوسـط الصـدور = ومخفين حزنه عن عيـون الأنـام
ودام حتى الخل فـي خلـه يبـور = قل على الدنيا واهاليهـا السـلام
ورح كذا بشويش مالازم تجـور = لاتمشيهـا علـى عكـس النظـام
لكن اسمعني ترا ماانـت امعـذور = لك من اشواقي مشاريـه ومـلااام
ايه اجل يعقل لها تسعـة شهـور = وهي على هالحال قيـد الأستـلام
وهذه ايضا للشاعر مشعل بن عون
العرض الشجري