(( بشويش ياتنهيدة الضيق بشويش ))

[أبو فيصل]

مساء الجوري

وصلتني قصيدة على الايميل لإحدى الشاعرات

اتمنى ان تنال على إعجابكم

--------

بشويش يَ تنهيدة الضّيقْ بشويشْ
مابي تمرّ وتسمع شهآقي ( أمي )

مابي تمرّ وتسألَن ضيقتي ليش ؟
وأفزّ اكفكف دمعتيني بْ كمّي

وارسم على طارفْ شفاتي أثر طيش
وافتح كتآبي كنّه الدرس همّي

تطق بابْ الغرفه وأرجع أعيش
يا حشرجة صوتِي إذا قلت : سمّي

تدخِل وأنا أحسّ إنها تدري بْ إيش ؟
تدري بإنه جفْ دمعي وْ دمّي

وتسأل تعشّيتي وأقول أنتِ العيش
وتآصل شواطي ساحلي قبلْ يمّي

وتقفي وهِي تعطي الموآجع بخاشيش
تدعي لي ودمعاتها ماتسمّي

يَ ليتهم ماركّبوا لي كذا ( ريش )
وياليتهم ما اترفوني بـ حلمي

لا قلت أبي .. صفّوا لْ رغبتي جيش
ولا قلت مآبي صار كل شي سِلمي

( أبيك ) كيف أقولها وكيف أبَعيش ؟
وفرقآك أنت أكبر من حدود غمّي

لا تقول " طوّلتي كذا غرّتك ليش ؟!
طوّلتها بخفي دموعي عن أمي ..!

مما عجبني