ضعف الإرادة

[حسن الحارثي]

السلام عليكم ورحمة الله وبركاته
اسعد الله اوقاتكم للتواصل فكرة مختصرة
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
آتعجَّب من رجالٍ مَعَ العِرْف سادوا=وعرفوا ويش مفهوم الشرف والريادة
من هل الفعل كانوا ...عن حمى الدار ذادوا=حازوا اسباب صيت المرجلة بالركادة
مَعْ هل القول قالوا ...مَعْ هل الجود جادوا=لاهْوَن شفوفهم ضاعت حقوق السيادة
كانت افعالهم تجري مثل ما أرادوا=لين تاهتبهم في سلم ضعف الارادة
مَعْ هل الدين قاموا ...مَعْ هل الصيد صادوا=غير في صيدهم سمٍ كَلَتْه الجرادة
والجرادة كلوها وامرضتهم وكادوا=ينتهي فيدهم بين الدوى والوسادة
كلما قيل توبوا .. لا تزيدون زادوا=كنك تردهم من دون درب السعادة
ما وصل للهدف ناسٍ عن الدرب حادوا=ولا يذوق الهنا متولعٍ بالقرادة
النشامى من الطيب المسمى تهادوا=ما تنادوا على سم البدن والعنادة
بينهم غانمينٍ من ورى النير عادوا=حصلوا من شهادات التحدي شهادة
فكروا في هموم التجربة واستفادوا=بدلوا عادةٍ من شان ناموس عادة
قدَّروا دعوةٍ لاهل الشيم يوم نادوا=عوَّضوا هفوةٍ ما في ولعها زيادة
جنَّبوا عن طريق المخطية ما تمادوا=وتركوها لوجه الله زينة عبادة
السجارة عليها بعض الاجواد بادوا=ويش فيها سوى دخانها والرمادة ؟!!؟
[/poem]