لاتعودني على الوصل وتغيب مابقى لي قلب حتى ينجـرح ..

[الدووووخي]

بسم الله الرحمن الرحيم

السلام عليكم ورحمة الله وبركاته

قصيدة جميله للعذب والشاعر سعود الفليــٌــج ..







منهو من النوم صحاني وانا غافي
وخلا حروفي بـ وجه الحزن مكتوبه
ومنهو سرق هالدفا من داخل لحافي
ومن علم دموع عيني تنطق التوبه
صدري مُجرد من الاحلام والخافي
اعظم من البوح والحرمان ودروبه
هذي ثلاثة شهور البرد بـ اطرافي
ودموع عيني على الغيّاب مصبوبه
رسيت لين انكسر فـ البعد مجدافي
وصدري خذوه لـ دفاهم لين شبو به
يصلبني اليأس لو كأن الامل قـافي
والحلم ملح الحياه ان كثرت ذنوبه
انا كسير ومشيت ابـ ارضهم حافي
وخلو لي الشوك لجل الورد عاثو به
فساد بين الضلام وشعلة انصافي
والهم طّول على الافراح عرقوبه
ماسرني هالزمـان المر يالافي
وحبيبة العمر عند الغير مخطوبه
لاتنشد الحال ماضنيت متعـافي
قلبي على سكة الاشواق ضحو به
راح الحبيب وتلاشى صوته الدافي
وقلبي يجره معى كل خطـوه بـ ثوبه
مابين الاضلاع طفل لـ لعبته وافـي
وبين المحاجر لعن دمعي ومندوبه
للحين تشهد ظروفك اني الوافي
وللحين تسرقني الدمعات كل نوبه
يشب صدري حزن بالله مو كافي
وضلوعي العوج للنيران محطوبه
منهو من النوم صحاني وانا غـافي
وذكرني بكل حلمي واخر دروبه