ياصاحبي دامك تقول بقناعه
ان الوفا درب الجفا والمخاسير
مد العنا لو كنت ناوي قطاعه
ولاتعتذر عن موقفٍ فيه تبرير
لو يكفي المجروح جرح إلْتياااعه
مالوّعتْهْ جروح فقد المعاذير
والا العمر محسوب ساعه فـ\ ساعه
والموت ماردّه جيوش ومناعير
محدٍ حصاده نبتٍ فـ\ غير قاعه
واللي يغرس الخير يجني ثمر خير
ومن يكسر المجداف ..\ خانه شراعه
سار فــ\ مزاج الريح لو يعكس السير
طاع الزمن من لازمن يوم طاعه
واللي يبيع المسك ماينفخ الكير
وانا كفرت فـ\ خوّة اللي طباعه
ليت وياليت اللّو ماصار ويصير
هذا خبر عاجل ولا فيه اشاعه
واسمع معه ياصاح موجز وتقرير
ماهمني والله ليل ومجاعه
ولاهمنّي والله ظلم المقادير
انا رقيت ولا طلبتك شفاعه
أرقى سماي سنود قدامي مطير
افخربهم واعتز فيهم شجاعه
حمر النواظر لابتي تشبع الطير
ياصاحبي ..\ واليابغيت الجماعه
حنّـا هل الصمّان روس الطوابير
مانلتفت للذّل والا الخناعه
ونعم القبايل قلتها دون تقصير
ياصاحبي دامك نويت القطاعه
بعض المواقف عن مواقف ترى غير
مدّ العنا ..\ والا انا ..\ في قناعه
ان الوفا ..\ عكس الجفا والمخاسير
العرض الشجري