السلام عليكم ورحمة الله وبركاته
جعل الاحزان تخطاكم وجعل الافراح تلقاكم في حياتكم ..
احبتي ..
صوتيهـ اضعها بين ايديكم ..واتمنى ان ترتقي لكم ..
والانشاد:كان بصوت المنشد المبدع خالد السبيعي
البارحه صدري به الهم مكنون
اسهر بليل وليل الاحزان طالي
ماغير ابدّل حالة الضيق بالهون
وفكري بذهني للوساويس شالي
جريت صوت الحزن والقلب مطعون
كني على ظهر البسيطه لحالي
والفجر بيّن واكثر الناس يدعون
ربٍ كبيرٍ مايرد السؤالي
صليت فرضي مع عبادٍ يصلون
ودعيت رب البيت يستر خمالي
ورجعت داري ناوي النوم بسكون
والنوم عيّا.. لايقرب مجالي
والظهر قرّب واكثر الناس يمسون
وانا وبين الهم بألف احتمالي
قالوا توفا قلت ياناس تكفون؟
وشلون راح اللي به القلب سالي
جابوه يوم الاربعاء نقل مشحون
وعصر الخميس بيدفنونه بحالي
جابوه للمسجد وقاموا يغسلون
بالمسك والكافور يمن وشمالي
وحطو النعش فوقه وقامو يلفون
جسمٍ كريمٍ مايعوض بـ مالي
ناظرت وجهه مبتسم وجه مزيون
حبيت راسه ثم خشمه بعالي
صلو عليه وداخلي هم و حزون
ودعيت ربٍ مايرد ابتهالي
سلّم وسلمنا وقامو يشيلون
جثمان غالي مايفكّه جدالي
حطّوهِ في قبره وقاموا يهلّون
عليه دمعِ مثل وبل الخيالي
جسلت صوب القبر والحزن مسجون
في وسط قلبي والمحاجر سيالي
.
.
المواضيع المتشابهه
قالوا توفا قلت ياناس تكفون ؟!!!
العرض الشجري