الندى دمع الورود إن فارق الطير المهاجر
والمطر دمع الغيوم اللي يزيد الصدر ضيقه
****
والعطش صوت السموم اللي لفح وجه المسافر
إن قدر يمنع لهيب القيض كيف يبلً ريقه
****
والعنا نبض القلوب اللي تعلق بالحناجر
والجفا لا صار صدر الهم يتزايد شهيقه
****
والحزن لا مرًني طيفك خيال وحلم عابر
دامك أثبتً إن طيفك حلم ما ودي أفيقه
****
ليه رحت وليه تنزع من يدي غصن المشاعر
ليه تترك ساعتي تبكي على حزن الدقيقه
****
لا تصدًقني ترا وأقسم بربي كنت أكآبر
شف ملامح صورتك للحين في عيني الغريقه
****
إن غمض لي جفن يحلم فيك يبقى جفن ساهر
وأعتبر هذا وفا من شخص ما ينسى رفيقه
****
ما يموت الورد لو نسقيه من دمع المحاجر
لو نسيت الورد مرًه ما قدرت أنسى رحيقه
****
كيف حالي في غيابك؟ ردً يا صمت المقابر
بشًره جرحه عرف يختار ما ضيع طريقه
****
رسمة المظلوم تصفع وجه جدران العنابر
لا متى وآنا أمسح الاعذار في وجه الحقيقه
مماراق لي..~ْ
المواضيع المتشابهه
العرض الشجري