ألا يا نجد وش في دارك إلا قطعة الأرزاق .....

[أبو فهاد]

كنت وأحد اصدقائي قبل فتره في مكان ما بالعارض وارعدت السماء وكادت ان تمطر ..
الا ان الله لم يكتب لها ان تروي ارض نجد ..

فخرجت الابيات كما هي .
وسمعها من سمعها .. وتحت اصرار والحاح اخي وصديقي المنفهق ( ابو فيصل ) على النشر جبتها لكم واعرف انها لن تعجبكم ولكنه هو من الح علي فسامحوني ..


أخيلِك يا البروق اللي على العارض لهـا رمّـاق‏
....................................... أشوفـك و الحيـا بينـي و بينـك يمنَـعَـه مُـوقَـه

رفيفـه لامـس أهـداب المـزون و شبّهـا بَــرّاق
....................................... صبـرت .. و لا لقيـت الا رعــودٍ تلـحَـق بـروقـه‏

ألا يـا نجـد وش فـي دارك إلا صُوقـة الـمـوّاق
....................................... و طيـرٍ هَـد بسبوقـه .. و طيـرٍ عِـذره إسبوقـه

ألا يا نجـد وش فـي دارك إلا صُوعَـة العشـاق
....................................... إلامن حَب معشوقه و إلامـن عَـاف معشوقـه‏

ألا يـا نجـد وش فـي دارك إلا نخلـة المشـراق
....................................... حلوم الشايب اللي لو تمنّـى .. قـال ملحوقـه

ألا يـا نجـد وش فـي دارك إلا سـومـة الـبـواق
....................................... و شيـخٍ لـو رِكـع لَلّـه .. عيونـه لاحَقَـت نُـوقـه

ألا يـا نجـد وش فــي دارك إلا قُـولَـة إبطَـقّـاق
....................................... يطِق اللي زَعل فيها الجدار .. و تَتعَب إشقوقه

ألا يـا نـجـد وش فــي دارك إلا قَطـعَـة الأرزاق‏
....................................... تخاشَرنا صَحَن مَرزوق .. الين تمُـوت مَرزوقـه

ألا يـا نجـد وش فـي دارك إلا دَنــدَره و زعــاق
....................................... عِليمي وأشغَل الدنيا.. بخَمسَ أفكار مسروقه

ألا يـا نجـد وش فـي دارك إلا لاق .. لا مــالاق
....................................... و حِنّا .. قُـوم هَوّنـا .. و حِنّـا الـ( لا ) و طَاروقـه

قَلَبنا البِشت و الغُتره و باقـي نَقلـبَ المِعـلاق ‏
....................................... صَلاةَ أَثنِين .. و إمصلّي .. ملا بالحِسد معلوقه

بعِذرِك ياالمزونَ اللّي مَنَعتي دَمعِك المِشتـاق
....................................... قُلـوبٍ مَـا غَسلهـا الله .. حَـرام تشِّـد زِملوقـه





للشاعر / الشاخوفة