غـربــة الـــروح لوعــه والمشـاعـــر ديار
وين ماراح راع الروح يصبح غريب
الوطـــن نبــض قلبــه والحـــنايا جــــدار
ساكـن بذات ذاتــه غــربتـه ماتـغـيـب
احـرقتــه الأمانــي هــــد حـلمـه وطـــــار
ضاع منه الرجاء مابين حـظ ونصيب
انطـوى وانكسـر مــن بـعــد ليل انتظــار
انقطـع حبل صـوته مالقـى له مجيـب
اصعـب ايام عـمره لحـظــة الأنتـحــــــار
ودع آخـر فلوله وســط صمتٍ رهيـب
غـربة الـروح يصعب شرحـها باختصــار
غربة الروح غربه وسط عالم عجيب
بين ليل الغـموض وبين شـمـس النهــار
تختفـي بين ظـل الليل وضـو اللهيـب
الجــوارح وطـنـها وعــــزة النـفــس دار
تحتظنها مبـــادئ سامـــيه ما تعـيــب
___________________________
ياسمو البحر
ياسـمــو الــبحر لك رهبـه وهيبــه
في غــــروب الشـمس ســـــرك ينجلــي
بين مــــد وجــزر امواجــك رهيبه
تنخفــض تحـــت الصخــــور وتـعتــلــي
الشواطــــي تجذب الروح الغـريبه
ســـــــرها مابـيــن قاعـــك ولـــولـــــي
غبتك تحفظ من الأســـرار غـيــبه
شـــلتهـــا عـــن عــــين بــرٍّ ممتلــــي
الغريب هموم صـدره لك تجيــبــه
مــــبــــتلــــي الله يـــعيـــن الـمبـتـلـــي
عاشقك يحمل من الماضي مصيبه
نارهــا وســـط الضــمايـر تصــطـلــي
انصـدم بالوقــت والناس ونصـيبـه
عـــاش فــي جــوٍّ مـن العالـم خـلـــي
ياســمـو البحــر اسـراري عجيبـه
هـــاك ســــري ماعليـــك ولاعــلـــي
محمد مطر
المواضيع المتشابهه
العرض الشجري