*
*
قصيدة ألقيتها ضمن مشاركتي في زواج أخي محمد بن شنار الزعبي ..!!
و قصيدة في رجل .. لن أنسى مواقفه الثمينة معي ماحييت ..!!
و مواقف العظماء .. كـ حجم أرواحهم ..!
و تظل خالدة !!
( عبدالله بن مرشد الزعبي ) !!
و كفى !
الناس ماترضى لو تشيلها شيل
.. الدنيا تركض و الأوادم جحودة ...!!
والناس ماتقبل على نفسه الميل
.. و تميل / و أبواب المحاكم شهودة !!
واللي تغرّه دورة الصبح والليل ؟؟
.. ماخلفه إلا القبر رمله و دودة .....!!
واحد ليامن غاب ماعوّضه جيل
.. و واحد غيابه جعله بدون عودة .!!
ومن مالمع وسط السما / كنه سهيل
ولآ ثبت ع القاع كـ جبال سودة ....؟؟
عزّوه في نفسه ولآ يشطح الكيل
.. ماظنتي دون الطنخ فيه فودة .....!!
لآ شايلٍ سيفه ولآ مسرج ٍ خيل ..
.. ولو تحشره .. دمعه يبلل خدوده ..!!
جعله فدى من ريحته عنبر و هيل !
.. لو في يدك يالشخص ( عمره تزوده ) !!
هذاك ( أبو مرشد ) فدى ضحكته جيل
.. لو قلت يرود الطيب و الله يروده .!!
رجلن لو أشيله على غاربي شيل ..
.. والله ما أوفّي ( جمايل عهوده ) ..!!
أقولها و أنا الذي دمعته سيل ..
.. لامن فرش سجادته في سجوده ...!!
م أبكتني الدنيا و قلوب الرجاجيل
.. بكيت من جور الخفوق و صدوده ..!!
فـ ياربّ أنا من دون حيلك بلآ حيل
.. أمّني يوم الناس تفزع / شروده ...!!
*
*
المواضيع المتشابهه
عبدالله بن مرشد الزعبي .. و كفى !!
العرض الشجري