هذا صديق العمر .. والعمر مدروك

[حاكم مشعل المعلا]

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]


هذا صديقي ما تعرفه وانا ابوك = صداقته مازعزعتها زوابع

صداقته تسبق صداقات فيسبوك = وقبل انظمامه في تويتر متابع

هذا صديق العمر .. والعمر مدروك = من العقد الاول لين عقدي الرابع

شعّار يوم الشعر يكتب على بوك = قبل انتشار اللب توب ومطابع

يوم الصحافه بابها شبه مصكوك = الا على اللي هام شعر المرابع

مانعرف الهوتميل بالنت . وبلوك = نعرف القلم .. واوراق بيض وطوابع

نرسل قصايدنا على عهد خذ دوك = وتاصل رسايلنا بعد يوم سابع

ونقرا غذاء الروح من شعر صعلوك = لاحدٍ روى منه ولاحدٍ بشابع

مانتجه في درب بالشعر مسلوك = للشعر بصمه .. غير بصمة اصابع

نبلور الفكره على قاف محبوك = اليا انهمر شلال عذب المنابع

لا شفت زوله ذاك .. قلي شف اخوك = اللي ثبت في وجه صلف الزوابع
[/poem]