يامداهيل الغـلا والجـود وأسـرار المعانـي
أشتعل جمر القصيـد وفـاح ريـح الشاذليـه
ماكتبتك من فـراغ ولا قريتـك مـن لسانـي
سافري بي سافري بـي ياللحـون السامريـه
بارك الله في وفـاه وبـارك الله فـي زمانـي
الزمان اللي منحني مـن عطـاه أغـلا هديـه
في عيونه زود شوق وثـورة أحـلام وأمانـي
وفي خفوقه حس مرهف بّعثر الاحسـاس فيّـه
جيت لاهب النسيم العذب لو ماحـدن دعانـي
أسبـق الخطـوه وشوقـي مستهيـم الراعبيـه
صوتها قبل أنتبـه (ياهيـه) بالغفلـه خذانـي
والتفت مجنون ليلـى؟ ويـن ليلـى العامريـه
ساقني مع نبـرة الصـوت وترانيـم الاغانـي
وأحتويته كلمتين . ونبضتيـن . وصـدق نيـه
ساقني عطر الشمال وصوت شيـخٍ مرحبانـي
أعشق التاريخ من شأنه عسـى أيامـه مدّيـه
له مع الموعد حضور وله مع الهاجس مكانـي
كل ماشب الغـرام وضاقـت الدنيـا الفضيـه
أرتويته مثـل ماهـو فـي معانيـه أحترانـي
أكتبـه صـوتٍ يمثـل ذات والنيـه مطـيـه
أن قريتـه ماكتبتـه وأن كتبنـي ماقـرانـي
كن نبـض قلوبنـا خـارج نطـاق الجاذبيـه
أذكره في كـل لحظـه مانسيتـه لـو نسانـي
له من أشواقي سلام وله مـن أعماقـي تحيـه
دام علمني بوصله كيف ؟ وش يعنـي التفانـي
له علّي انـه يعيـش بخافقـي عيشـه هنيّـه
الحبيب اللي عطاني نبـض قلبـه وأحتوانـي
هام بي صوب النجوم وصرت لنجومه ضحيـه
يستحق أعطيه قلبـي مثـل ماقلبـه عطانـي
يستحق أعطيه كلي زود مـن فـوق العطيـه
هو طموحي في حياتي .. هو بعد عمري حناني
والله أنه فـي عيونـي ساكـنٍ هـاذي وذيـه
مالكٍ روحي وفكـري مامعـه بالقلـب ثانـي
عايشٍ داخل أعروقي ولكثر أشعـاري هويـه
الله اللي لي هـداه .. والله اللـي لـه هدانـي
ماغدى بالحب أنانـي كثـر مابـه نرجسيـه
داعبيّه بريحة الشيـح الخضـر والزعفرانـي
سولفـي لـه ياذعاذيـع الشمـال الموسّمـيـه
قولي أني مانسيتـه ساكـنٍ حـدب المحانـي
يرتوي نزف الخفوق ودمعـة الفرقـا عصيّـه
ماشربت الصبر لو مالشوق من كأسه سقانـي
شربةٍ تقطع ضماي وتفـرض الموعـد علّيـه
وكل شكري للحبيـب وكـل حبـي وأمتنانـي
دامه أعطاني بحبه .. عـن سـواي الاولويـه
.
.
المواضيع المتشابهه
العرض الشجري