يقولون الرجـال ( عيـون الرجـال حـراب )
وأنا لي نظـرةٍ تقـرأ نظرهـم قبـل يقرانـي
قريت بنظرة الساخر .. قريت بنظرة الاعجـاب
وتهجيت بنظر شاعر مشاعر نبـض وجدانـي
من أول مابديت ألمح عيـونٍ باللقـاء ترتـاب
عرفت الخوف وش يعني؟ وهـذا سـر ربانـي
كتمت البوح في صمتي مشاريه وغلا وعتـاب
هجيت الحرف يمدحني .. مدحت الحرف يهجاني
وأذا للمحبه سبب ؟.. أنا حبي بـدون أسبـاب
أنا عشقي نزيف الجرح ولاعرف منهو الجانـي
أحس بخافقي صرخه تزلزل من صداها هضـاب
وأخاف أبوح لاصحابي قبـل يـدرون عدوانـي
تعبت أميّز العالم من الصـادق ؟ مـن الكـذاب
وصدِمت بواقعٍ قاسي قتـل حلمـي وتحنانـي
أجيه بصادق النيه . أجيه ولا حسبـت حسـاب
وعمري ماحسبت حساب دربـي ويـن ودانـي
دخيلك يازمن أرحم .. دخيلك يازمـن منصـاب
ضِحّك منك الغبي مُعجب وضحّكه منـك بكانـي
غريبه يازمن أمـرك ؟ تفرقنـا وحنـا أقـراب
تغربنا .. وتبعدنـا .. وكلـن يكـره الثانـي !
وأنا كلي فدى النظره من الحاجب الى الاهـداب
فديتك يا أمل عمري؟ فداك الشعـر وأشجانـي
.
.
.
.
المواضيع المتشابهه
العرض الشجري