قصتي مع البروفين

[لورا]

[align=center][/align] السلام عليكم حابه أشاركم قصتي وبالنهاية لكم حريه الحكم صارت الحادثة هذه السنه 2014 ايام الشتاء وبالتحديد فتره الميد تيرم حضرت الكليه وكان كل شي طبيعي الى ان بدا الألم رحت للكافتريا عشان اخذ لي حاجه أكلها قالو لي لسا الساندوتش ما وصل ( ماعليه) نظرا أنو الساعه كان ثمانين ونص ف قررت اخذ مشروب ساخن لعل وعسى تهدا بطني وانتظرت صديقاتي يطلعون من الاختبار!بتقولون لي وش موديك بدري وما عندك ميد! (الباب يقفل بس هذا مو موضوعنا) لما طلعو الناس من الاختبار كنت انا واصله حدي من الألم والهبوط والارتعاش وبما اننا تحضيري ومو عارفين وين نروح او مين نكلم قررنا نبدأ من شؤون الطالبات لما رحنا لها وكنت بحالتي المزرية طالعت فيني وقالت (بعد فتره بتجي ممرضه) اوك يعني انا الحين وش اسوي فيني برضو ماعلينا قالت شوفو الغرفة اللي جنبنا يمكن فيها ونروح وقالت لنا روحي للقبول والتسجيل يمكن تلقين عندهم (قبول وتسجيل!؟ايش له صلاح) برضو ماعلينا ولما وصلنا للقبول والتسجيل تحديدا عند الدكتوره المصرية اللي أرسلتنا عليها وسالتها عندك بروفين وبدا صوتها يتعالى وقالت (انا من الصبح بدور على بنادول مش لاقيه) ولما هي انفجرت علي بالصراخ انفجرت انا بالبكاء !ايه بالبكاء من الألم وامشي من مكان لمكان أدور على مسكن وقررو صديقاتي التفرق ويدورون عند الدكاترة وللأسف ما لقينا وبعد ما فقدنا الأمل ورحت انزويت على احد الكراسي والمكيفات تضرب والدنيا شتا والكراسي حديد نفس تبع المستشفى جن وحده من البنات معها مسكن ولله الحمد انا ماراح أقول ليش أول وحده يوم شافت حالتي كذا ما جلستني عندها طيب ليه ما سمحولي اطلع او على الأقل هم طلعوني للمستشفى انا ماراح ألوم احد الا الدكتوره اللي صرخت علي يعني انا طالبه تحضيري وجديده عالناس وعالمكان وعالنظام ولاجئه لها وكنت أصلا خانقتني العبره وانا أتكلم وواضح على شكلي !تقوم تصرخ علي كذا!!!!!! يرضي من هذا بالله عليكم يرضي من!