سلام وابدا الكلام الجزل واقوله
مشاعري تندفع باحساس نفاذه
والمدح مدح الرجال اللي على اصوله
في سلم واجب ماقلته سلم شحاذه
جيته مشاري عساني ماافقده زوله
وابوه كلٍ يعرفه خالد اشحاذه
طالع على ابوه والا طالعٍ حوله
طلعة مراجل وابوه الشامخ استاذه
خالد على اسمه تخلد عرضه وطوله
فدعان قامت تنومس قامت افخاذه
فخر عنزه وعنزه تطنخ على فعوله
المال والجهد عنهم دوم مالاذه
الجود ماجوّده ومْبطل قفوله
هتان فيه الكرم مايوصف رذاذه
يومٍ الاصوات مرفوضه ومقبوله
جتك عنزه كلها ماهيب نباذه
معها مناديب ممنونه ومرسوله
يمناك ماهي إلحق الغير وخاذه
خذيت الاول والاول راسك يطوله
فزعات وايل هل الوقفات نقاذه
المواضيع المتشابهه
العرض الشجري