السلام عليكم ورحمة الله وبركاتة
هذه الابيات كتبهاالشيخ شالح بن هدلان القحطاني ..
في ابنه الذيب والذي كان يحبه حباً جما ..لشجاعته وفروسيته ..(ولعلومه الطيبه )
ياربعنا ياللي على الفطر الشيب*********عز الله انه ضاع منكم وداعه
رحتوا على الطوعات مثل العياسيب*****وجيتوا وخليتوا لقلبي بضاعه
خليتوا النادر بدار الاجانيب********وضاقت بي الافاق عقب اتساعه
تكدرن لي صافيات المشاريب******وبالعون شفت الذل عقب الشجاعه
ياذيب انا بوصيك لا تاكل الذيب*****كم ليلة عشاك عقب المجاعه
كم ليلة عشاك حرش العراقيب*****وكم شيخ قوم كزته لك ذراعه
كفه بعدوانه شنيع المضاريب *******ويسقي عدوه بالوغى سم ساعه
ويضحك ليا صكت عليه المغاليب *****ويلكد على جمع العدو باندفاعه
وبيته لجيرانه يشيد على الطيب ******وللضيف يبنى في طويل الرفاعه
جرحي عطيب ولا بقى لي مقاضيب *****وافخت حبل الوصل عقب انقطاعه
كني بعد فقده بحامي لواهيب****** وكني غريب الدار مالي جماعه
من عقب ذيب الخيل عرج مهاليب ********ياهل الرمك معاد فيهن طماعه
قالوا تطيب وقلت وشلون اباطيب******وطلبت من عند الكريم الشفاعه
المواضيع المتشابهه
العرض الشجري