[frame="7 80"]
قصيده للشاعر صبر بن عقيل الاسلمي الشمري
اعجبتني وامل ان تحوز على رضاكم
[poem=font="Simplified Arabic,5,darkred,bold,italic" bkcolor="transparent" bkimage="" border="none,4," type=1 line=0 align=center use=ex num="0,black"]
الـواسـطـة يـالـيـت ربـــي يـلــده=حيث إنهـا للظلـم صـارت وسيلـة
صرح العدالـة معـول الهـدم تهـده=وانشهد انـه ضـد مبـدى الفضيلـة
مسعا خبيـث وتقلـب الحـق ضـده=وسيلتـن لاهـل النـفـوس العليـلـة
كــم ضيـعـت حــق بهـاتـه و وده=وسوالفـن تجـي عراضـن طويـلـة
يالـيـت كـلـن واقــف عـنـد حــده=وكلـن بحكـم الشـرع حقـه يجيـلـة
وليـا انفتـح بـاب الوساطـه نسـده=ونرتـاح مـن كثـر العقـد وتحليلـة
مار البلا من اهل الوجية المصده=اللي من الرشوات تجمـع حصيلـة
لا جــاك للمكـتـب لـسـانـه يـمــده=ازود من البوعيـن تسمـع صهيلـة
يذبح ويصلـخ تقـل ابـا زيـد جـده=راســن يركبـهـا وراســن يشيـلـة
ولـيـا لـفـا للـبـيـت كـــوح مـلــده=بالمكنـسـه تلـعـن ثــواه الحلـيـلـة
ولا قالت : اقطع واخس فإنه يرده=ماله على سيف اريش العين حيله
وليـا بغـى الطلـعـة بحـلـق تـشـده=وينقاد لـه قـود الخـروف الهميلـة
مـا ذم خلـق الله بـهـم مــن تــوده=رجلـن يبيـض وجـه كـل القبيـلـة
رجلـن ليـا عديـت الابطـال عــده=بليـهـان شـيـال الحـمـول الثقيـلـة
لـه غيبتـن مـا كـل رجـلـن يـسـده=مثل الجـدي يسـري عليـه الدليلـة
هــذاك ويــن الـقـاه يـاقـل عـــده=في وقتنـا الحاضـر جنوسـه قليلـة
والـيــوم دور معـذبـيـن الـمـخـده=بالنـوم مـا يـفـرّق نـهـاره ولليـلـة
وليا قـام مـن نومـه ابليسـن يشـده=ويحـط لـه بـيـن البـراطـم فتيـلـة
وليـا ركــب سيـارتـه مــن يــرده=تسمـع فحيطـه تقـل ماهـو بحيلـة
يبـي لـيـا مــن النـجـوم اجـرهـده=يسهـر مـع الشلـه ومـع كـل قيلـة
مـا جـرب العـازه وضيـم المـكـده=تـوفـرت لــه غـايـتـه والوسـيـلـة
حويـر ربيـع ورغوتـه فـوق خـده=ما داس بالرمضـى وحـام المليلـة [/poem]
المواضيع المتشابهه
العرض الشجري