شيبت وانا صغير

[شاعر اديب]

[poem=font="Simplified Arabic,5,black,bold,normal" bkcolor="transparent" bkimage="http://www.alraidiah.com/vb/images/toolbox/backgrounds/19.gif" border="double,4,purple" type=3 line=0 align=center use=ex num="0,black"]
حبٍ يشيّب صاحبه ما بَعَـدْ شـاب
.وحبٍ يشيب وصاحبه فـي شبابـه

وحبٍ يغيب وصاحبه ما بَعَدْ غـاب
وحبٍ يدوم وصاحبـه فـي غيابـه

وحب يذوّب خافـقٍ مـا بعـد ذاب
وحبٍ يداوي صاحبـه مـن عذابـه

وحبٍ يتوّب خافقٍ مـا بَعَـدْ تـاب
وحبٍ يزيدك رغبـةٍ فـي الكتابـه

وحبٍ حياتـه كلّهـا لـوم وِعْتـاب
وحبٍ حقيقي مـا يضـرّك عتابـه

وحبٍ بلا معنى وحبٍ بـلا اسبـاب
يبدا غريـب وينتهـي فـي غرابـه

وحبٍ ضعيفٍ مثل حبرٍ على كْتـاب
تمحيـه دمعـه فـي ثوانـي كآبـه

وحبٍ قويٍ مثل قصرٍ لـه ابـواب
لو هبّ عاتيْ الريح ما اهتـز بابـه

وحبٍ بداية رحلته نظـرة اعجـاب
واخر مطافه مثـل يـومٍ بـدا بـه

وحبٍ يعيش بداخل قْلوب الاحبـاب
وحبٍ يشيع وكـل حَـيٍ درى بـه

وحبٍ مقامه في ضلوع الصَدِر طاب
وحبٍ يعـدّي مثـل مـرّ السحابـه

وحبٍ على قبره نعق بوم وغْـراب
وحبٍ تغنّـى بـه لحـون الربابـه

وحبٍ بمقدارٍ وحـبٍ بـلا حْسـاب
وحـبٍ بمعـروفٍ وحـبٍ نهابـه

وحبٍ يعيش أهله وسط داره اغراب
ويموت قهـر ويندفـن فـي ترابـه

وحبٍ غدا سرّه سوالـف للاجنـاب
وحبٍ يموت وصاحبه ما حكى بـه

وحبٍ يشيب وصاحبه ما بَعَدْ شـاب
وحبٍ يشيب صاحبـه فـي شبابـه

شاعر اديب[/poem]