طاش السهم <--- ( لا يفوتك )

[أبو رائد]

السلام عليكم ورحمة الله وبركاته

الأخوة والأخوات الكرام ..

كلنا يعلم ما وصلت إليه تطاولات المسلسل الشهير ( طاش ما طاش )

لرجال الدين ، وهذا ما أنكره الجميع على هذا المسلسل الاجتماعي

الشاعر القدير : متعب التركي

قال هذه الكلمات ينكر العمل ويستغيث بصاحب السمو الملكي الأمير سلمان بن عبد العزيز

لوقف هذه المهازل التي تحدث في هذا المسلسل وخاصة بأننا في بلد دستوره وتعاليمه إسلامية


إليكم القصيدة بأداء المنشد : أبو راشــد

[rams]http://www.alraidiah.com//islam/anashed/thash.amr[/rams]



للتحميل اضغط يمين الماوس وحفظ باسم



[poem=font="Simplified Arabic,5,black,bold,normal" bkcolor="transparent" bkimage="http://www.alraidiah.com/vb/images/toolbox/backgrounds/16.gif" border="double,6,gray" type=2 line=0 align=center use=ex num="0,black"]
طاش السهــم ياللي تقولون ماطــــاش = فــــي مجتمــع دينـه علامة فلاحــــــه
على انتقــاد أهـل اللحى صابه إخــراش = واستخدم الاعــلام للحــــرب ساحــــــه
واليا انتقدهم شيــخ قــام ألف خفــاش = سـوت لنا بعض الجرايــد .. مناحـــــــه
نفهم سبب هجمة هل الكفر الأوبــــاش = ونجهـل دوافع هالعمل .. وإنفتاحـــــــه
ســـؤال ما يحتـــاج .. تقويس وفــــلاش = مــن يقــدر يجـاوب عليه بصراحـــــــه !
مــن الذي ياقــف ورى طــاش ماطــاش = مــن الــذي يعطيـه فسح ومساحـــــــه
مــــن الــذي خلفــه وخــلاه يعتــــاش = علــى انتقــاد الديـن في هالوقاحــــــــه
سنـــة محمــد تنتقــد بيننـــا كــــاش = فــي حجــة إنــه دين يسر وسماحـــــــه
والديــن ماهــو عرضــه لـرأي ونقـــاش = إلا مــن اللــي فيــه علــم ورجاحـــــــه
باكــر يـجــي كاتــب ولاعـب ونقَّـــــاش = يجيــز للنــاس .. الربــا والنياحـــــــــه
شعورنـــا بالغيــظ طاغــي وجيَّــــــاش = ممــا نــرى ماعـــاد نشعر براحـــــــــه
خـــذا بنقـــد الديــن مسرى ومغبـاش = وعلــى رجــال الحسبــه أعلن كفاحـــــه
يوضــع خطاهـــم بين مجهر ومنقــاش = ويعرض على الشاشه بسخف وبجاحـــــه
مايكــره الهيئــة ســوى واحـدٍ غــــاش = تخيفــه الهيئــة وتكبــح .. جماحــــــــه
يكرههــم مشعــوذ ومفســد وحشــاش = ويحبهــم هالمجتمــع .. مـن صلاحـــــه
حــرس فضيلــة .. بــس مايحمل كـلاش = والمؤمــن الــحق النصيحـة سلاحــــــــه
ياسيــدي سلمــان يالضاحــك البــــاش = يامــن تهابــه فــي غضبه ومزاحـــــــه
يامن تضيق بخصمه الأرض لاهــــــــاش = رمــح الريــاض إن كـان عدو رماحــــــه
سلمان هو طب القلوب اللي غشـــــاش = لاكابــرت والغيــظ هبـت رياحــــــــــه
لو انــه أعزل وانت في يدك رشــــــــاش = تخـــاف منـه وتستظـــل بجناحــــــــــه
ياسيدي حنا على الفزعة .. عطــــــــاش = هــذا الــورم محتاج منك لجراحــــــــه
إليــا متى نكتم غضبنا بها الـــجـــــاش = والسخريــة بالديــن صارت مباحــــــــه
حنا حلمنـا حيل لكن علــى مــــــــاش = الحلــم زاد الخطــب هـذا .. فداحـــــــه
لو غلفــوا هالحقــد وأخفوه بقمـــــــاش = مــن يستــره والله يريد افتضاحــــــــه
حريــــة الــمــرأة شعارات ببـــــــلاش = والا الهـــدف نشـر العري والإباحـــــــــه
إذا نسانـــا غـادرن حضن الاعشــــــــاش = كــل احتمالات التفكـــك متاحــــــــــه
ياسيــدي والمجتمــع كلــه إنــــــــداش = دينــه وعاداتــه غــدت مستباحــــــــه
هذا البلد تاريخه أبيض مـن الشــــــاش = أرض الرســول وعمـر وابن رواحــــــــه
معقل هل السنة من الطاش للطــــــاش = ماهــي بــلاد الرهبنـة والسياحــــــــه
شعــبٍ بحكم الله تحت ظلكم عــــــــاش = جمعتــوا أطرافــه وطابـت جراحــــــــه
لحافــــه التوحيــد والسنــة فـــــــراش = الديــن تاجــه والعوايــد وشاحــــــــــه
والمجتمــع لاصـارت أسواره هشــــــاش = يسهـل على حتى الجراد إكتساحــــــــه
لايعتـــذر لــو يعتذر طاش ماطــــــاش = بعـــض الخطــا عــذره يزيده قباحـــــه[/poem]