..عفوا انت منافق ؟؟؟؟؟؟؟؟؟؟؟؟؟؟؟؟؟

[عبدالله اليامي]

السلام عليكم ورحمة الله وبركاته..

مساء الخير..


----------------------------------------------------------

جامل زمانك لو حصل منه تقصر .. محدن تجي دنياه حسب اختياره ..

.................................................. ........


غريب زمننا هذا !!

تجامل الناس ... وتكذب عليهم ... وتتظاهر بأنك مصدقهم او مهتم فيهم

فتشوفهم مبسوطين على الاخر وسعداء ..!!!

حتى وهم عارفين بقرارة انفسهم انك مو صادق في اللي تقوله ...!!

لكن اذا جيت فجأه وصارحتهم بحقيقة ما ..

يتضايقون منك واحتمال ردة فعلهم تكون جدا قاسيه وعنيفه ...

بالرغم من انه مصارحتك تكون بنيه جدا حسنه وبصدق واخلاص ..

هنا بتحس وش الفايده من مصارحتك بالاصل !!

وفوق هذا كله يصدمك بطريقته في استقبال صراحتك اللي قصدت من

وراها الاحسان مو الاساءه ..


ممكن المصارحه احيانا تكون قاسية أومؤلمة .. اذا كانت تحمل بين

سطورها نقد .. أو تحامل .. أو تشير إلى نقطة حساسة يخفيها هاالشخص

ومايحب أنه يكشفها له اي أحد مهما كان .

هنا يحق للشخص أنه يتألم ويدافع عن نفسه بطريقته الخاصة ...

التي ممكن تكون جارحة أكثر من المصارحة نفسها...!!

ولكن لمن تكون المصارحة بغرض ودي ..

ولتعريف الشخص بخطأ يرتكبه دون قصد ..

أو لتصرف غير مناسب قام به وما انتبه انه مو مناسب الوضع

اللي يصير انه اللي تحاول مساعدته بمصارحتك له ينقلب عليك ..

ويشعر اتجاهك بالعداء لأنك يعتقد انك أسأت له ..

وجرحت إحساسه .... وآذيت مشاعره...!!

هنا نجلس نفكر ... ليه اصلا قلنا الصراحه

ونبحث عن تبرير لمصارحتنا !!!

فمادام اللي صارحته برأيك ثار وغضب وتغير تجاهك ...

ووضع بينك وبين الوصول إلى فكره ونفسه حجاب من المشاعر العدوانية ..

اشلون راح تشرح له الفكرة اللي علشانها كلفت نفسك بمصارحته ...!!

علشان كذا اغلب الناس يشوفون الخطأ ويسكتون عنه بدل مايبادرون

بإعلان الرأي الصريح ووجهة نظرهم الصائبه .

والبعض يفضل انه تبقى علاقته بأصدقائه في حدود المجاملات ...

من دون انها ترتقي إلى مقام يسمح بالصراحة والمفاتحة ....!!



خلاصة كلامي من هذا كله ....

هل الصراحة شيء مكروه والا محمود ..؟؟

وهل من واجبك انك تصارح صديقك اذا ماعجبتك افعاله ..

وتصرفاته الخاطئه ؟؟

والا تقعد تجامله وتداريه علشان تحتفظ بصداقته ؟؟



-------------------------

موضوع جميل ونقاش هادف شاهدته في أحد المنتديات ..



تــــحـــيـــــاتـــــي.