تاكل على خرّت الابره .../مدلول

[مدلول]

وش أخباركم ياربعي ، عساكم مستانسين ،
المهم /
ماهي هذي السالفة اللي قريته في أحد كتب التراث واللي أبي أقوله لكم 0

السالفة سلمن الله وسلمكم هي أول :صلوا على النبي صلى الله عليه وسلم 00

الله يجزاكم خير ! ( قولوا والجازي ) أعوذ بالله صايرين جلد

ياعلكم تسلمون 00 يقولون كفانا شر ما يقولون :

أن امرأة تزوجها رجل ( سمعت واحد يقول أكيد بيتزوجها رجل )) على

العموم لا تستعجلون !

ويوم إنه تزوجها ! تزوجها هههههههههههههاي خلاص لاتعصبون ! أخذها

لبيته ! (( أكيد بياخذها لبيته ! أجل بياخذها لبيت الجيران )) وهالرجّال

عنده أولاد من زوجته السابقة ! (( ياحبكم للشفاية ! وأنا وش دراني ليش طلق

الأولة )) المهم :تولت المرأة الجديدة أمور المنزل ، وتخبرون أحوال الناس

أول كانت ضعيفة ، والأكل قليل ، ولا فيه بيتزا ولا كنتاكي ! ليش مو مصدقين !؟

والله صادق 00 حتى اسألوا أهلكم !

فكانت إذا طبخت المقسوم ! (( على فكرة من قد ذاق المقسوووم )) خلاص راح

أكمل لاتزعلون :

كانت تاكل معهم على خِرْت الإبرة لا تستغربون ! إيه كانت تاكل

على خرت الإبرة (( ومعنى خرت الإبرة : مأخوذ من خَرَتَ ، يَخْرِتُ ، خرتاً ، فهو

مخْرُوتْ هههههههههههههههههههههاي )) وخرت الإبرة طرفها المثقوب !

من يدري ليش كانت المرأة تأكل على خرت الإبرة _ أقول بحل يالصينيين هم

وعيدانهم :p ؟

لا ياحبايبي ما حزرتوا ! مو على شان مسوية رجيم !!!

لأنها كانت تبي تظهر لزوجها إنها ما تصرف كثير (( يعني زي الكورولا :p )) ولا

تاكل كثير ، لأن الأحوال مصلَّحة (( بدون ورقة إصلاح من المرووور ))

الرجَّال انبسط كثير على هالمرة السنعة الإقتصادية باستهلاك الوقود!

وكان الرجال إذا أصبح الصباح راح هو وعياله للمزرعة ولا يرجعون إلا وقت

الظهر، ثم يرجعون لمزرعتهم مرة أخرى حتى غروب الشمس ! والمرأة تبقى طول

هالوقت لحاله بالبيت !!

الرجال شك إن المرأة يمكن لها أن تعيش على الأكل اللي تاكله على (( خرت الإبرة ))

فقط !

فقرر أن (( يلبد :p)) يعني يختبئ ، حتى يرى ما تفعله هذه الكرولا هههههههاي

قصدي المرأة الإقتصادية في استهلاك الوقووود !

وفعلا هذا ما حدث ، فقد اِختبأ الرجل ، ولما أيقنت أنه ذهب !

أخذت تذرع غرفتها مترددة وهي تقول :

آآه وش آآكل 00اليوم ؟ بسيسة ، والبسيسة أسرع ! ( والبسيسة غير البسينة :p

، فالأولى تمر مخلوط مع قمح محموس ، والثانية = القطة ! يعني

هي أكلت الأولى ولم تأكل الثانية ههههههههههههههه )) وإلا آكل عصيدة

والعصيدة أشبع ؟ آآآه والا آكل تمر والتمر أنفع ؟

ثم جلست وأخذت كمية من التمر والتهمته بشراهة وبسرعة ! (( أقول طلعت ثمان

سلندر ))

وخرجت بعد ذلك كي تحضر الماء ، فخرج الرجل إلى حقله ، وعاد كالعادة وقت

الظهيرة ، ولما قدمت الطعام له ولأولاده أخذت تأكل على خرت الإبرة كعادتها !

فقال الرجل : البسيسة والبسيسة أسرع ! أو العصيدة والعصيدة أشبع ، أو

التمر والتمر أنفع 000

فعرفت المرأة أن الرجل قد كشفها 00! (( والظاهر إنَّه إنفشلت ! بس ماني

متأكد :p ))

وصار ت فعلتها مثلا يضرب فيمن يأكل قليلا فيقال (( فلان ، أو فلانة : تأكل

على خرت الإبرة ! ))

وسلامة ٍ عرضكم طولكم يالحبايب

أرجو أن تكون هذه القصة حازت على رضاكم واستحسانكم 00


أخوكم / مدلول