؟؟شـــتـــــان؟؟

[عبدالله المعزي]

احبتي اهديكم هذه المتواضعه لعلها ترقى الى ذايقتكم

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
شتان بين ابليس وازكى الصحابه=وبين الظلام وبين نـور القناديـل
الله خلق بالكون ضيـق ورحابـه=والله فرق بين القلـم و المعاويـل
بين الشريف وبيـن راع النهابـه=وبين الحكيم وبين طفق المهابيـل
تعلـق المعنـى بنقـش الكتابـه=وأنبت ثمر زهرة جمال المحاصيل
الجرد ريضان الخزامـى زهابـه=وروض النفل كحل به القاع تكحيل
السالفـه حـزن أكتستـه الكأبـه=زرعاً جفاه الماء وطش الهماليـل
عوداً بكاء وقتـاً تعـدى شبابـه=راحت حياته خلهـا بالتساهيـل
محدن شقابه ايه محـدن شقابـه=كذا كذا متروك في مردم السيـل
حسبة زمن ياشيخ ماهي طلابـه=ولا تندب القسمه وحظ الرجاجيـل
والحلم عدانـي شمـال السحابـه=ارقب بيوت الي يحـط المعاميـل
مخبـاه فاتـح مالاجابـه غدابـه=ماحسب للدنيا العنـى والبهاذيـل
وحـداً تمـر ايـام مافـك بابـه=لانفق ريال ياصاحب النجم واليل
فرقاً تجلـى بيـن صقر وذبابـه=من ينشد القمه ومن يتبـع الذيـل
ولمتني الغيمـه وفكـري سرابـه=من زود الغيبه بكذبـه وتضليـل
نسى نسى يومـاً شديـداً عذابـه=يومن يجي بالكون لفـه وتبديـل
وعكسه لقيت اهل الوفاء والحبابه=اذكارهم مابيـن حمـداً وتهليـل
وعلى السحابه ايه نفس السحابـه=الي سرت بي وسط ذيك التخاييل
عودت للواقـع بعـزم وصلابـه=وعرفت بين الناس فرق وتشاكيل
السيف يفعل لانزع مـن جرابـه=في حده البتـار حكمـه وتبجيـل
وشتان بيـن الفلسفـه والرتابـه=من يشرب القربه ومن ينهل النيل
[/poem]

تقبلو تحياتي