علوم الخير رجليه وعلوم الشر خيالي !! مدلول

[مدلول]

[align=center]بسم الله الرحمن الرحيم

إخواني وأخواتي يا هلالالالالا ويااااااااامرحبا فيكم

ويالله إن تحييكم فردا فردا 0

أقو وش رايكم ندخل بالموضوع على طول وبدون مقدمات !

صلوا على النبي المختار اللهم صل وسلم عليه 0

أحبابي سالفتي لكم اليوم تبين عدة أمور واقعية ولكن على شان ما

أحرقها عليكم أترك لكم استنباط تلك الأمور 000

يقولون كفانا شر ما يقولون إنه كان فيه رجل كريم يعيش بالصحراء (( يا

شينكم ، ما تبطلون هالعجلة !! منهو اللي يقول عرفته ؟ لا يا حبيب قلبي

ما هو ابن مهيد مصوت بالعشا ، ولاهو ابن سعيّد معشي الذيب !!)) هذا

واحد ثاني ما أعرف اسمه 0

المهم كان المسافرين يمرونه ويرتاحون عنده ويعينون من الله خير 000

هذا الرجل كان عنده خيل وكان من بين خيله مهرة أصيلة ما تقدر بثمن !! ((

وكم واحد حاول يشتريه منه بس عيا يبيعه على أحد لا تقسيط ولا كاش

بعد ))

وكان يقول هذي أبي أهديه لطويل العمر ( الأمير) وكان يقصد من هالقول

إن أحد هالضيوف يوصل الخبر للأمير فيطلبها الأمير ويهديها له !!

ولكن مافيه أحد من هالضيوف وصل الخبر للأمير ! وكانوا ياكلون

ويشربون عنده ويغادرون 0

المهم في يوم من الأيام وكالعادة قال أحد الضيوف يا معزبنا بع علي

هالمهرة !!

فرد عليه المعزب وقال : لا ما ني بايع هالمهره لأني أبي أغزيبه على

الامير !؟

وبدال ما يجلس الضيف ليما يتعشى ! استاذن من المعزب هو وخوياه

وراحوا !!

(( أنا أشوف واحد منكم يتبسم ! أكيد عرفتوا ليه ما قعد الضيف لياما

يتعشى هو وخوياه ))

على العموم وقام هالضيف الأقشر وماله عن مجلس الأمير وقال ياطويل

العمر فلان يبي يغزيك بمهرةِ عنده !

( زعل الأمير وقال : متأكد إنت يالأقشر !؟ قال مثل هالشعرات على حنكك

يا طويل العمر ! < بصراحة أنا ما كنت عندهم بس أتوقع إنه قال مثل

هالشعرات على حنكك هههههههههههههههاي>

ما انتظر الأمير وارسل من يجيب ذاك الرجال ! ومن يوم دخل على الأمير قال

له الأمير صحيح هالخبر اللي سمعته ! قال الرجال راعي المهرة أي خبر

طال عمرك ؟! قال الأمير : يقولون إنك تبي تصير عضو بالرائدية !!

هههههههههههههههاي0 لا طبعا ما كان هذا هو السؤال ؟

السؤال هو يقولون إنك تبي تغزينا بهالمهره ؟ قال الرجال يا طويل العمر

أنا صار لي سنة وأنا أقول لكل ضيف يمر علي أبي أهدي هالمهرة على

الأمير ولا أحد علمك !!

ويوم جونن ضيوفك هذولا قلت لهم أبي أغزي بهالمهره على الأمير ! وما

تحروا غداهم واستاذنوا ومشوا يمك بقصد الوشاية وهذا ما حصل ، وهذا

اللي أبيه طال عمرك ؟! واليوم أنا جبت لك المهره هديه !

التفت الأمير إلى ضيوفه ووبخهم وقال للرجال المهرة قبلناها وهي هدية

مني لك 000

وأجزل الأمير العطاء للرجل 0

وتعجب الأمير والحاضرون من كلمة الخير لم تصل !

وكلمة الشر وصلت في الحال !!

وصدق من قال (( علوم الخير رجليه وعلوم الشر خيالي ))

وسلا متكم يالربع ،،،،

هاه عساه جازت لكم هالسالفه يالحبايب0

طبعا السالفه هذي قرأتها في كتاب سوالف المجالس ل سليمان الطامي

ولكن أعدت صياغتها بالكامل لكي تخرج بهذه الصورة المرحة 0

تحياتي

مدلول[/align]