سعد الحــارثي اصبح هداف الدوري بوجود الشمراني وضياء و .. الخ

[العااالمي]

هذا الموضوع رد على موضوع الاخ النورس في مستوى سعد الحارثي ..


سعد الحارثي يضل لدي من افضل المهاجمييين في المملكة .. النورس يالغالي لا تقوم سعد الحارثي وهو يلعب مع النصر .. تدري ليش ..

لان النصر مو فريق .. تعرف وش معنى فاااااااااشل .. وصعب انك تبي لاعب يبدع ويسجل بدون مسانده .. وانت عارف فريق النصر الوسط ما حولك احد .. واغلب لاعبينا منسقي الاندية ..

والدليل شاهد سعد في المنتخب تلقاه يصنع ويسجل .. ومع النصر ولا شي من هذى .. ليش ؟؟

بسالكم عن الكابتن ياسر القحطاني كم هدف سجل العام الماضي .. ياسر فناااااان ولكن بدون التايب والشلهوب كلكم شفتوا كيف يلعب بدونهم ..

مع العلم ان الهلال ما يلعب الا بمهاجم واااااااحد وهو ياسر لوحده وتلقاه مبدع ويسجل .. تدرون ليش .. من الوسط اللي وراه .. كلهم نجوم ..

التمياط .. التايب .. الشلهوب .. الغامدي .. عزيز .. ريدريقوا في العام الماضي ..


وخلونا نذهب للاتحاد .. ما عنده ولا مهاجم محلي ابي اعرف ليش ؟؟ مع العلم ان منصور يجيب اللي ما ينجاب .. ليش صفقاته كلها بالوسط .. ما عندهم الا كيتا اجنبي ..

وشوفوا من وراه .. نور .. ابو شقير .. كريري .. امين .. عبدالرحمن القحطاني ..ولا اعرف منهم الاجانب حقين الاتحاد الموسم هذا ..

ولو نسوي مثل الاتحاد ونجيب لاعب بمواصفات كيتا ونخليه لوحده مع ضياء هارون .. وخيري الدوسري .. و طلال الزبيدي .. والتون .. و الخير .. والزهراني .. وصفقة الموسم وحديث الوسط الرياضي اللاعب خالد الشمراني ..بيبدع .. والله ما يسجل الا بالسنه حسنه ..

والله حرااااااام عليكم تظلمون سعد الحارثي .. سعد يلعب مع نادي اصبح الوحده والاتفاق يمتلكون لاعبيين افضل منه في جميع المراكز ..

سعد الحارثي يلعب مع فريق الى الان ما ثبتو على ظهير ايمن و ايسر .. ولا على قلب دفاع .. ولا على وسط ايمن .. حتى التون كل يوم له مركز .. بالله وين عايشين .. وش فايدة المعسكر والمباريات الودية ؟؟

بالعربي سعد الحارثي يلعب مع فريق ضائع .. فريق بدون اظهرة وبدون وسط كيف تتجرون من سعد يسجل ..


ولنذهب الى الماكر مالك معاذ .. وشاهدو من يلعب بجانبه ولا احد .. ولكن من خلفه .. كايو في العام الماضي .. صاحب العبدالله .. تيسير الجاسم .. الثقفي .. حسين عبالغني .. جميعهم لاعبيين منتخب .. ما شاء الله عليهم ..


جميع اللاعبيين يبدعون في انديتهم اكثر من المنتخب .. الا لاعببيينا نشاهدهم يسجلون ويصنعون ونشاهد مواهبهم فقط في المنتخب ..



وفي النهاية .. اللي يقول ان سعد ماخذ اكبر من حجمه .. اقوله ان نادي النصر ماخذ اكبر حجمه في هذى السنوات عندنا كجمهور ولكن نصبر عليه وهو فاشل فلماذا لا نصبر على الحارثي وهو نجم .. هذا الواقع المررر ..


العااالمي